Marqum feldsher Uldana Myrzýannyń anasy jýrnalist Rýslan Ótepbaiǵa bergen suhbatynda qyzynyń óliminen keiin bolǵan birqatar túsiniksiz jaǵdaidy baiandady, dep habarlaidy dalanews.kz.
Onyń aitýynsha, aqpan aiynda qudaǵiy habarlasyp, Uldananyń týý týraly kýáligine qatysty qujatty suraǵan. Sonymen qatar qyzynyń bank aldynda tólenbegen nesiesi bar ekenin aityp, muradan nemese belgili bir quqyqtan bas tartý týraly qujat rásimdeý máselesin kótergen.
"Maǵan qudaǵiym habarlasyp, banktegi nesieni tóleý kerek ekenin aitty. Odan keiin "otkaznoi" jazyp beresiz be dep surady. Bul sózge qatty tańǵaldym", – dedi Uldananyń anasy.
Osydan keiin ol zańgermen birge bankke baryp, qyzynyń atyna rásimdelgen qarjylyq mindettemelerdi teksergen.
Tekserý barysynda Uldana Myrzýannyń atynda eshqandai nesie de, qaryz da bolmaǵany anyqtalǵan. Anasynyń sózinshe, qyzynyń esepshottary buǵan deiin tolyq jabylǵan, al bank qyzmetkeri onyń atyna tirkelgen bereshek joq ekenin rastaǵan.
Marqumnyń anasy dál osy jaittan keiin keibir áreketterge qatysty kúdigi kúsheigenin aityp, istiń barlyq mán-jaiy tolyq anyqtalǵanyn qalaitynyn jetkizgen.
