پەنتاگون باسشىسى تايلاندقا بارعان جۇمىس ساپارىندا جۋرناليستەرگە اقش ۋكراينانىڭ بارلىق قاجەتتىلىگىن وتەيتىنىن ايتتى.
ءوز كەزەگىندە جۋرناليستەر وستيننەن اقش پەن ونىڭ وداقتاستارى ۋكرايانداعى سوعىستا رەسەيدى السىرەتۋ ماقساتىنان اينىماعانىن جانە ۋكراينا پرەزيدەنتى ءوفيسىنىڭ كەڭەسشىسى ميحايل پودولياكتىڭ «رەسەيگە تويتارىس بەرۋ ءۇشىن بىزگە 1000 گاۋبيسيا، 300 رسزو كەرەك» دەگەن سوزىنە تۇسىنىكتەمە بەرۋىن ءوتىندى.
– ۋكراينا جەڭىسكە جەتۋى ءۇشىن اقش قولدان كەلگەن كومەكتىڭ ءبارىن كورسەتۋگە ءازىر. ءبىز عانا ەمەس، ءبىزدىڭ وزگە ارىپتەستەرىمىز دە ۋكرايناعا كومەكتەسۋگە دايىن. بۇگىندە امەريكا ۋكرايناعا ءوق-دارى مەن گاۋبيسيالارىن كوپتەپ جەتكىزگەن ەل بولىپ تۇر. وزگە ەلدەر دە كومەك-قولداۋىن اياپ جاتقان جوق، – دەدى للويد وستين.
ءوز كەزەگىندە پەنتاگون باسشىسى الداعى اپتادا ۋكريانياعا اسكەري تۇرعىدان كومەك كورسەتۋدى جەدەلدەتۋ ءۇشىن بريۋسسەلدە رامشتاين-3 باسقوسۋى وتەتىنىن ءمالىم ەتتى.
