ۋكراينانىڭ جوعارى انتيكوررۋپتسييالىق سوتى ەلدٸڭ بۇرىنعى پرەزيدەنتٸ ۆيكتور يانۋكوۆيچكە سىرتتاي 15 جىلعا باس بوستاندىعىنان ايىرۋ تۋرالى ٷكٸم شىعاردى. سوت ونى كيەۆ وبلىسىنداعى ورمان قورى جەرٸن زاڭسىز يەمدەنگەنٸ ٷشٸن كٸنەلٸ دەپ تانىدى, دەپ حابارلايدى Dalanews.kz.
سوت ماتەريالدارىنا سەيكەس, 2007 جىلى پرەمەر-مينيستر قىزمەتٸن اتقارىپ جٷرگەن كەزٸندە يانۋكوۆيچ دنەپر–تەتەرەۆ ورمان-اڭشىلىق شارۋاشىلىعىنا تيەسٸلٸ جەر تەلٸمدەرٸن الۋ سحەماسىن ۇيىمداستىرعان. ال 2009–2011 جىلدارى اتالعان اۋماقتا قوناقٷي-رەستوران كەشەنٸ سالىنعان. تەرگەۋ دەرەگٸنشە, بۇل نىسان كەيٸن ەكس-پرەزيدەنتتٸڭ جەكە قاجەتتٸلٸگٸنە پايدالانىلعان.
بۇعان دەيٸن ۋكراينا باس پروكۋراتۋراسى يانۋكوۆيچتٸڭ رەسەي اۋماعىندا, مەسكەۋ وبلىسىنداعى بارۆيحا ەلدٸ مەكەنٸندە جٷرگەنٸن حابارلاعان.
