قازاقستانعا تارتىلعان شەتەلدٸك ينۆەستيتسييالاردىڭ جالپى كٶلەمٸ $58 ملرد-تان استى, دەپ حابارلايدى Dala News.
پرەزيدەنت قاسىم-جومارت توقاەۆتىڭ تٶراعالىعىمەن ٶتكەن جيىندا پرەمەر-مينيستر ولجاس بەكتەنوۆ ينۆەستيتسييالىق ساياساتتىڭ نەگٸزگٸ نەتيجەلەرٸن باياندادى. ونىڭ ايتۋىنشا, سوڭعى 9 ايدا تٸكەلەي شەتەلدٸك ينۆەستيتسييالار $1,5 ملرد-قا نەمەسە 10,9% ٶسٸپ, $14,9 ملرد-تى قۇراعان.
«پورتفەلدٸك ينۆەستيتسييالار مەن نەسيەلٸك قاراجاتتاردى ەسەپكە العاندا, ەكونوميكاعا تارتىلعان شەتەلدٸك ينۆەستيتسييالاردىڭ كٶلەمٸ $58 ملرد-تان استى. نەگٸزگٸ كاپيتالعا سالىنعان ينۆەستيتسييالار 13%-عا ارتىپ, 22,7 ترلن تەڭگەنٸ قۇرادى», – دەدٸ ولجاس بەكتەنوۆ.
ٷكٸمەت دەرەگٸنشە, ونىڭ ٸشٸندە مەملەكەتتٸك ينۆەستيتسييالار 800 ملرد تەڭگەگە ۇلعايىپ, 5 ترلن تەڭگەگە جەتسە, جەكەمەنشٸك ينۆەستيتسييالار 2,4 ترلن تەڭگەگە ٶسٸپ, 17,7 ترلن تەڭگەنٸ قۇراعان.
ينۆەستورلارمەن جۇمىستى جەدەلدەتۋ ٷشٸن ينۆەستيتسييالىق شتابتىڭ رٶلٸ كٷشەيتٸلگەن. 2025 جىلى جالپى قۇنى $115 ملرد بولاتىن 212 جوبا بويىنشا پروبلەمالىق مەسەلەلەر شەشٸلگەن.
بەكتەنوۆ پرەزيدەنت تاپسىرماسىنا سەيكەس ينۆەستورلاردى تارتۋ تەتٸكتەرٸ جاڭارتىلىپ جاتقانىن اتاپ ٶتتٸ. جوبالار ەندٸ باستاپقى كەزەڭنەن باستاپ ٸسكە قوسىلعانعا دەيٸن «جاسىل دەلٸز» قاعيداتى بويىنشا سٷيەمەلدەنەدٸ.
اتاپ ايتقاندا:
- ينۆەستيتسييالىق ومبۋدسمەن فۋنكتسييالارى باس پروكۋرورعا جٷكتەلدٸ;
- «بەيتەرەك» حولدينگٸ ينۆەستورلاردى پرواكتيۆتٸ تٷردە ٸزدەۋگە كٸرٸستٸ;
- Kazakh Invest كومپانيياسىنىڭ ٶكٸلدٸكتەرٸ ينۆەستيتسييالىق ەلەۋەتٸ جوعارى ەلدەردە اشىلادى.
سونىمەن قاتار مەملەكەت باسشىسىنىڭ باستاماسىمەن قۇرىلاتىن "الاتاۋ سيتي" جاڭا ينۆەستيتسييالىق ورتالىق رەتٸندە قاراستىرىلىپ وتىر. كونستيتۋتسييالىق زاڭ جوباسىندا قالاعا ەرەكشە قۇقىقتىق رەجيم ەنگٸزۋ كٶزدەلگەن.
