اباي وبلىسىنىڭ ەكٸمٸ بەرٸك ۋەلي قالانى ارالاۋ بارىسىندا جەرگٸلٸكتٸ حالىققا «ەسكٸ كٶپٸر» اتاۋىمەن بەلگٸلٸ اۆتوگۋج كٶپٸرٸندە بولدى,- دەپ حابارلايدى Dalanews.kz
مۇنداعى اسفالت جابىنىن اۋىستىرۋ جۇمىستارى 16 تامىزدا باستالعان بولاتىن. ۇزىندىعى 1 شاقىرىمعا جۋىقتايتىن جولدىڭ ەسكٸ اسفالت قاباتى قىرىپ الىنىپ, ورنىنا قالىڭدىعى 6 سم جاڭا تاستى-ماستيكالىق اسفالت تٶسەلدٸ. بٷگٸن جول بەلگٸلەرٸ سىزىلىپ, ەرتەڭنەن باستاپ قالا تۇرعىندارىنىڭ قولدانىسىنا بەرٸلەدٸ.
«وقۋشىلار كانيكۋلعا شىققان كەزدە اسپالى كٶپٸرگە اسفالت تٶسەۋدٸ باستاعانبىز. ەندٸ مٸنە, جاڭا وقۋ جىلىنىڭ قارساڭىندا ەكٸنشٸ كٶپٸردٸ دە اياقتاپ, تۇرعىنداردىڭ ىڭعايلى جٷرٸپ-تۇرۋى ٷشٸن جاعداي جاساپ وتىرمىز. بۇعان دەيٸن مۇندا جىلدامدىق ساعاتىنا 40 شاقىرىم بولسا, ەندٸ اۆتوكٶلٸكتەر 60 شاقىرىم جىلدامدىقپەن جٷرەتٸن بولادى», - دەدٸ ايماق باسشىسى.
وبلىس ەكٸمٸ اۆتوگۋج كٶپٸرٸنٸڭ جانىندا سالىنىپ جاتقان جاڭا كٶلٸك ٶتكەلٸنٸڭ قۇرىلىسى تۋرالى دا ايتتى. بيىل ٶتكەن «ورتالىق ازييا – قىتاي» سامميتٸنەن كەيٸن قحر تٶراعاسى ايماق ەلدەرٸنە قايتارىمسىز گرانت بەرٸلەتٸنٸن اتاپ ٶتكەن بولاتىن. اتالعان كٶپٸر قۇرىلىسىن قارجىلاندىرۋدى قايتارىمسىز گرانت ەسەبٸنەن شەشۋ جٶنٸندە وبلىس تاراپىنان ۇسىنىس بەرٸلٸپ, باستاما پرەزيدەنتتٸڭ قولداۋىنا يە بولدى.
«ٷكٸمەتپەن, تيٸستٸ مينيسترلٸكتەرمەن كەلٸسٸلدٸ. قارجى بٶلٸنەتٸن بولدى. مەردٸگەر كومپانييا جىل سوڭىنا دەيٸن كٶپٸردٸڭ بٸرٸنشٸ كەزەڭٸن اياقتاپ, كٶلٸكتەردٸڭ جٷرۋٸنە جاعداي جاسايمىز دەپ وتىر. ياعني, جول اشىلادى. اسفالت تٶسەۋ جۇمىستارى كٶكتەمدە باستالادى. ال ەسكٸ كٶپٸر كەلەسٸ جىلى جاياۋ جٷرگٸنشٸلەر كٶپٸرٸ بولادى. باتىس ەلدەرٸندەگٸدەي قايتا قالپىنا كەلتٸرٸپ, جاياۋ جٷرگٸنشٸلەرگە ارنالعان ٷلكەن كٶپٸر, اربات جاسايمىز. قالا ەكٸمدٸگٸ جوبا ۇسىنادى. بۇل كٶلٸك ٶتكەلٸ قالا تۇرعىندارى ۆەلوسيپەد تەۋٸپ, دەمالىپ, ەمٸن-ەركٸن جٷرەتٸن ورىن بولادى. شاعىن ساۋدا ورىندارى ورناتىلادى. ياعني, جاياۋ جٷرگٸنشٸلەر ارباتىنا اينالدىراتىن بولامىز»,- دەدٸ ايماق باسشىسى.
