ۇلتتىق ەكونوميكا ءمينيسترى نۇرلان بايبازاروۆ ۇكىمەتتىڭ قازاقستان ەكونوميكاسىنا 9،6 ترلن تەڭگە ينۆەستيسيا قۇياتىنىن ايتتى. ءبىراق ناقتى مەرزىمدەرى جايلى پىكىر بىلدىرمەدى.
بايبازاروۆتىڭ ايتۋىنشا، ينۆەستيسيانىڭ باسىم بولىگى بيۋدجەتتەن تىس كوزدەردەن كەلەدى. ونىڭ ىشىندە ۇلتتىق حولديڭدەر، ىشكى جانە سىرتقى كاپيتال نارىقتارى، جەكە جانە حالىقارالىق قارجى سالىمدارى بار.
«بيۋدجەتتەن تىس ينۆەستيسيالار كولەمى — 7 ترلن تەڭگە. اتاپ ايتقاندا، «سامۇرىق-قازىنا» جانە «بايتەرەك» حولديڭدەرى، ەكىنشى دەڭگەيلى بانكتەردىڭ ىشكى رەسۋرستارى مەن وزگە دە ينستيتۋتتىق ينۆەستورلار تاراپىنان» دەيدى مينيستر.
اقپاننىڭ باسىندا ۇكىمەت 2024 جىلى ەكونوميكا ءوسىمى كەمىندە 5،3% بولادى دەپ بولجام جاساعان. ال بىلتىرعى دەڭگەي 5،1% بولعان. كوشباسشى سالالارعا كەلسەك، قۇرىلىس سالاسىنداعى ءوسىم 13،3% بولسا، ساۋدادا — 11،3%، اقپارات جانە بايلانىستا — 7،1%، كولىك قىزمەتتەرى — 6،9%، ونەركاسىپتە — 4،3%. بىلتىر ينفلياسيا 2 ەسە تومەندەپ، 9،8% بولعان ەدى. بيىل ۇكىمەت شامامەن 6-8% شاماسىندا ۇستاپ تۇرۋدى جوسپارلاپ وتىر. نۇرلان بايبازاروۆ قازىرگى ۋاقىتتا ترانزيتتىك الەۋەتتى دامىتۋ ماقساتىندا جۇك ۆاگوندارى جاڭارتىلىپ جاتقانىن اتاپ ءوتتى. ال تەمىرجول پاركىن جاڭارتۋ ءۇشىن وتاندىق زاۋىتتار تارتىلىپ جاتىر.
مامىر ايىنىڭ سوڭىندا «جولاۋشىلار تاسىمالى» كومپانياسىنىڭ باسقارما باسشىسى جانىبەك تايجانوۆ استانادا العاش رەت قۇراستىرىلعان شۆەيساريالىق Stadlerء-دىڭ جولاۋشىلار ۆاگونى 2025 جىلدىڭ جەلتوقسانىندا كومپانيا قاراماعىنا وتەتىنىن ايتقان. وسىلايشا الداعى جىلى قالاارالىق تاسىمالعا 100-گە تارتا ۆاگون الىنادى. «بايتەرەك» «قازاقستان تەمىر جولىنا» وتاندىق ۆاگوندار الىپ جاتقانىن دا اتاپ ءوتۋ كەرەك. قاڭتاردىڭ سوڭىندا ۇلتتىق بانك «بايتەرەكتىڭ» وبليگاسيالارىنا 173 ملرد تەڭگە كولەمىندە زەينەتاقى اكتيۆتەرىن سالعان ەدى. ال اقپاننىڭ اياعىندا بجزق-دان ۆاگون الۋعا بولىنەتىن سوما 184 ملرد تەڭگەگە وسكەنى تۋرالى كولىك ءمينيسترى مارات قارابايەۆ حابارلاعان. بۇل قاراجاتقا 3،3 مىڭ ۆاگون الۋعا جۇمسالادى. ونىڭ 122ء-سى عانا — جولاۋشىلارعا ارنالعان. ءبىر جۇك ۆاگونىنىڭ قۇنى شامامەن 30-35 ملن تەڭگە ەكەن. ال جولاۋشىلار ۆاگون — 700-800 ملن تەڭگە شاماسىندا. ۆاگونداردى «زيكستو» جانە «كۆك» فيرمالارى دايىندايدى.
