ٷكٸمەت پاۆلودار, ەكٸباستۇز جەنە اقسۋ قالالارىندا جىلۋ جەلٸلەرٸن سالۋعا جەنە رەكونسترۋكتسييالاۋعا 9 ميلليارد تەڭگە بٶلدٸ, - دەپ حابارلايدى Dalanews.kz.
پرەمەر-مينيستر ولجاس بەكتەنوۆ ٷكٸمەت رەزەرۆٸنەن 9 ميلليارد تەڭگە بٶلۋ تۋرالى قاۋلىعا قول قويدى.
"پاۆلوداردا (3,6 ميلليارد تەڭگە) ۇزىندىعى 2,5 شاقىرىم بولاتىن تم-13 جىلۋ ماگيسترالٸ سالىنادى. بۇل 41,5 مىڭ ادام تۇراتىن پاۆلوۆ – شەۆچەنكو – كاتاەۆ كٶشەلەرٸ ورنالاسقان اۋدانداعى كٶپپەتەرلٸ تۇرعىن ٷيلەردٸ تۇراقتى جىلۋمەن قامتاماسىز ەتۋگە مٷمكٸندٸك بەرەدٸ.
ەكٸباستۇزدا جالپى ۇزىندىعى شامامەن 4 شاقىرىم (3,6 ميلليارد تەڭگە) بولاتىن تم-1 جەنە تم-3 جىلۋ ماگيسترالدارىنىڭ ۋچاسكەلەرٸ رەكونسترۋكتسييالانادى. وسى جۇمىستىڭ ارقاسىندا جاڭا تۇرعىن ٷيلەردٸ, ەلەۋمەتتٸك مەكەمەلەردٸ, شاعىن جەنە ورتا بيزنەس نىساندارىن قوسۋ كٶزدەلگەن. بۇل 2 مىڭنان اسا ادامدى قامتيدى", - دەپ جازىلعان ٷكٸمەتتٸڭ حابارلاماسىندا.
قالعان 1,8 ميلليارد تەڭگە اقسۋداعى №3,5 جەنە 8 شاعىناۋدانداردا ورنالاسقان, ۇزىندىعى 4,3 شاقىرىم بولاتىن ورامٸشٸلٸك جىلۋ جەلٸلەرٸن قايتا جاڭارتۋعا اۋدارىلادى. كەيٸنگٸ 2 جىلدا بۇل ۋچاسكەلەردە 40-تان اسا اقاۋ تٸركەلگەن. رەكونسترۋكتسييا جۇمىسى 1,5 مىڭنان اسا جەرگٸلٸكتٸ تۇرعىندى ساپالى جىلۋمەن قامتاماسىز ەتۋگە مٷمكٸندٸك بەرەدٸ.
پاۆلودار وبلىسى ەكٸمدٸگٸنٸڭ دەرەكتەرٸنە سٷيەنسەك, بٷگٸنگٸ تاڭدا پاۆلوداردا جىلۋمەن جابدىقتاۋ جەلٸلەرٸنٸڭ ۇزىندىعى 828,1 شاقىرىم (82,8 پايىزى ورتاشا توزعان), ەكٸباستۇزدا 422,5 شاقىرىم (90,7 پايىز), اقسۋدا 99,1 شاقىرىم (59 پايىز) بولادى. تەحنيكالىق تەكسەرۋ نەتيجەلەرٸ بويىنشا شۇعىل جۇمىستار جٷرگٸزٸلۋگە تيٸس, قاتتى توزعان 4 ۋچاسكە انىقتالعان.
