ەنشٸ توقتار سەرٸكوۆ "ۋاقىت كٶرسەتەدٸ" باعدارلاماسىندا قالىڭ كٶرەرمەندٸ قىزىقتىرعان سۇراققا جاۋاپ بەرٸپ, نە سەبەپتٸ ەلەۋمەتتٸك جەلٸدە وتباسىلىق جەنە جەكە ٶمٸرٸ جايلى جازبالار جارييالامايتىنىن اشىق ايتتى, دەپ حابارلايدى dalanews.kz.
باعدارلاما جٷرگٸزۋشٸسٸ نۇرسەيٸت جىلقىشىبايدىڭ "كٶپ ەرٸپتەستەرٸڭٸز ٸشكەن-جەگەنٸن, جەتكەن جەتٸستٸگٸن كٶرسەتٸپ وتىرادى. ال سٸز ٶزگەشەسٸز. مۇنداي قاراپايىمدىقتى قايدان الدىڭىز?" دەگەن ساۋالىنا ٶنەر يەسٸ شىنايى جاۋاپ قايىردى.
"بۇل سۇراققا جاۋاپ بەرسەم, كٶپشٸلٸكتەن وقشاۋلانىپ قالاتىنداي سەزٸنەم. بٸراق شىندىقتى ايتسام, جۇبايىممەن اقىلداسىپ, Instagram جەلٸسٸنە جەكە ٶمٸرٸمٸزدٸ جارييالاماۋدى جٶن كٶردٸك. نە ٸشٸپ, نە جەگەنٸمٸزدٸ, قانداي كٶلٸك مٸنٸپ, قاي ٷيدە تۇراتىنىمىزدى, تٸپتٸ بالا-شاعامنىڭ سانىن دا كٶرسەتكٸم كەلمەيدٸ. مەن بار جاعدايىممەن شٷكٸرشٸلٸك ەتٸپ وتىرعان اداممىن. الايدا ەلٸمٸزدە ەلٸ دە تۇرمىسى تٶمەن, كٷن كٶرٸسٸ قيىنداعان جاندار بار. بالاسىنىڭ بولاشاعىنا الاڭداپ, كٶزٸنە جاس العان اتا-انالار بار. سونداي سەتتەردٸ ويلاسام, كٶڭٸلٸم قۇلازيدى. ٶزٸم ماقتانىپ جاتقاندا, بٸر ادام ماعان مۇڭايىپ قاراپ تۇرسا, بۇل – مەن ٷشٸن ٷلكەن سىن. سوندىقتان ٶنەردەگٸ بارشا ەرٸپتەستەرٸمە ايتارىم: بۇل – جىلتىراپ, ماقتانىپ وتىراتىن ەمەس, كەرٸسٸنشە, بايلىعىڭدى جاسىراتىن زامان. اش ادامدى تويدىرىپ بارىپ ماقتان. كەيدە ٶزٸمدٸ سىرتتان تٷسٸرٸپ العان ۆيدەولاردى كٶرگەندە ۇيالىپ, ٶكٸنەتٸن سەتتەرٸم بولادى", – دەپ شىن كٶڭٸلمەن بٶلٸستٸ.
