12 اقپاندا استانا قالاسىنىڭ حالىقارالىق ەۋەجايىندا دۋباي قالاسىندا (باە) ٶتكەن UAE SWAT Challenge-2026 سايىسىنىڭ جەڭٸمپازدارى مەن قاتىسۋشىلارىن سالتاناتتى تٷردە قارسى الۋ شاراسى بولدى, دەپ حابارلايدى Dalanews.kz.
قر مەملەكەتتٸك كٷزەت قىزمەتٸ, قر ۇلتتىق قاۋٸپسٸزدٸك كوميتەتٸ, قر ٸشكٸ ٸستەر مينيسترلٸگٸ ارنايى ماقساتتاعى بٶلٸمشەلەرٸنٸڭ ٷزدٸك جاۋىنگەرلەرٸ بٸرٸككەن بەس قۇراما كوماندا 7-11 اقپاندا باە-دە جەتٸنشٸ رەت ٶتكٸزٸلگەن “ارنايى جاساق وليمپياداسى” سانالاتىن حالىقارالىق ايتۋلى تۋرنيردەن جەڭٸسپەن ورالدى.
UAE SWAT Challenge-2026 جالپى قورىتىندىسى بويىنشا “Kazakhstan C” قۇراماسى التىن جٷلدەگە يە بولدى. جەڭٸس قۋانىشىن “Kazakhstan ا” كومانداسى ەسەلەدٸ, ول ايتۋلى ەلەمدٸك تۋرنيردٸڭ ەكٸنشٸ ورنىن جەڭٸپ الدى. تاعى ٷش قۇراما 48 ەلدەن كەلگەن 109 كوماندا ٸشٸندەگٸ 20 ٷزدٸك قاتارىنا كٸردٸ.
قازاقستان ارنايى ماقساتتاعى بٶلٸمشەلەرٸنٸڭ كوماندالارى ەلەم الدىندا تەڭدەسسٸز دەنە دايىندىعىن, مٷلتٸكسٸز كوماندالىق ىنتىماق ٷلگٸسٸن كٶرسەتٸپ, جەڭٸس جولىندا جانىن اياعان جوق. ولاردىڭ بٸرٸ, “Tomiris” قىزدار قۇراماسى ەلەم جانكٷيەرلەرٸنٸڭ ەرەكشە نازارىنا يە بولدى. تۋرنيردٸڭ ەربٸر كەزەڭٸندە ول ەيەلدەر كوماندالارىنىڭ ٷزدٸگٸ بولدى ەرٸ جالپى ەسەپتە ونداعان ەرلەر قۇرامالارىن ارتتا قالدىردى. UAE SWAT Challenge سايىسكەرلەرٸ تاكتيكالىق وپەراتسييالار, عيمارات پەن مۇنارانى باسىپ الۋ, كەپٸلگە الىنعانداردى جەنە وفيتسەرلەردٸ قۇتقارۋ, سونداي-اق كەشەندٸ كەدەرگٸلەر جولاعىنان ٶتۋ سەكٸلدٸ بەس ارناۋلى تاپسىرمانى ورىندادى.
ٶتكەن جىلداردا دا وسى سايىستا قازاقستان ارنايى ماقساتتاعى بٶلٸمشەلەر كوماندالارى جٷلدەلٸ ورىندارمەن ورالعان بولاتىن.
وتاندىق كوماندالارعا قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ قۇتتىقتاۋ جولدادى. پرەزيدەنت جاۋىنگەرلەردٸڭ ٷزدٸك دايارلىعىن, جەڭٸسكە دەگەن ىنتا-جٸگەرٸن جەنە بيٸك پاتريوتتىق رۋحىن اتاپ ٶتتٸ.
