بەلارۋس پرەزيدەنتىن سايلاۋدا الەكساندر لۋكاشەنكونىڭ باستى قارسىلاسى بولعان سۆەتلانا تيحانوۆسكايا تاعى ءبىر ۇندەۋ جاريالادى. ول كاسىپورىن جۇمىسشىلارىن ەرەۋىلدى توقتاتپاۋعا ۇندەدى.

"ەرەۋىلدەر ديكتاتۋرانى تىعىرىققا تىرەدى. سول سەبەپتى ولار سەندەردى ءتۇرلى ادىستەرمەن ەكىگە بولۋگە ارەكەتتەنىپ جاتىر. ءبىز بىرگە بولساق، جۇيە قۇلايدى"، — دەپ مالىمدەدى تيحانوۆسكايا.

بەلارۋس ورتالىق سايلاۋ كوميسسياسى پرەزيدەنت سايلاۋىندا لۋكاشەنكو جەڭىسكە جەتتى دەپ مالىمدەدى، ءبىراق وپپوزيسيا مەن ونىڭ جاقتاستارى رەسمي مالىمەتتى مويىنداۋدان باس تارتىپ، ەلدە ساياسي داعدارىس باستالدى. رەسپۋبليكانىڭ ونداعان مىڭ ازاماتى الەكساندر لۋكاشەنكونىڭ قىزمەتتەن كەتۋىن تالاپ ەتىپ، كوشەگە شىقتى. ەلدەگى ونداعان ءىرى كاسىپورىن جۇمىسشىلارى ەرەۋىل جاريالادى.

https://youtu.be/_RKyRtD5Npk