بٷگٸن ٶڭٸر باسشىسى جانسەيٸت تٷيمەباەۆتىڭ تٶراعالىعىمەن وبلىس ەكٸمدٸگٸندە سەلەكتورلىق رەجيمدە كەزەكتٸ اپپاراتتىق مەجٸلٸس ٶتتٸ. كٷن تەرتٸبٸندە 2017 جىلدىڭ 1 ماۋسىمىنا ايماقتىڭ ەلەۋمەتتٸك-ەكونوميكالىق دامۋ قورىتىندىسى مەن بيۋدجەتتٸڭ اتقارىلۋى جەنە «نۇرلى جول» باعدارلاماسىنىڭ ورىندالۋ بارىسى قارالدى. بۇل جٶنٸندە وبلىس ەكٸمٸنٸڭ باسپاسٶز قىزمەتٸ حابارلادى.
جيىنداعى العاشقى تاقىرىپ – 2017 جىلدىڭ 1 ماۋسىمىنا ٶڭٸردٸڭ ەلەۋمەتتٸك-ەكونوميكالىق دامۋ قورىتىندىسى تۋرالى وبلىستىق ەكونوميكا جەنە بيۋدجەتتٸ جوسپارلاۋ باسقارماسىنىڭ باسشىسى ارمان سەبيتوۆ بايانداما جاساپ, سالاداعى اتقارىلعان جۇمىستارعا ەسەپ بەردٸ. ايتۋىنشا, جىل باسىنان بەرٸ 5 ايدا بٸزدەگٸ ٶنەركەسٸپ ٶنٸمٸنٸڭ كٶلەمٸ 307,1 ملرد. تەڭگەنٸ قۇراپ, ٶتكەن جىلدىڭ سەيكەس كەزەڭٸمەن سالىستىرعاندا 0,8 پايىزعا تٶمەندەگەن. ٶنەركەسٸپ ٶنٸمٸ وبلىستاعى كەن ٶندٸرۋ ٶنەركەسٸبٸندەگٸ ۋران ٶندٸرٸسٸنٸڭ 4,4 پايىزعا ازايۋىنان ورىن الىپ وتىر. ال اۋىل شارۋاشىلىعى سالاسىنداعى جالپى ٶنٸم كٶلەمٸ 112,8 ملرد. تەڭگەنٸ قۇراپ, ٶتكەن جىلدىڭ سەيكەس كەزەڭٸمەن سالىستىرعاندا 2,2 پايىزعا ارتىپتى. سونىمەن قاتار, تيٸستٸ مەرزٸم ٸشٸندە وبلىسقا 137,5 ملرد. تەڭگە ينۆەستيتسييا باعىتتالىپ, ٶتكەن جىلدىڭ تيٸستٸ كەزەڭٸنەن 46,4 پايىزعا كٶبەيگەن.
باسقارما باسشىسىنىڭ مەلٸمەتٸنشە, ٶنەركەسٸپ ٶنٸمٸنٸڭ كٶلەمٸ تٶمەندەگەن اۋدانداردىڭ كٶشباسىن ورداباسى, سوزاق اۋداندارى مەن كەنتاۋ قالاسى باستاپ تۇر. ال اۋىل شارۋاشىلىعى ٶنٸمٸ تٶمەن اۋداندارعا ورداباسى (5,9%) مەن شاردارا (1,4%) ەنٸپ وتىر. بۇل ٶڭٸرلەردە, سونداي-اق, مال شارۋاشىلىعى ٶنٸمدەرٸنٸڭ كەمۋٸ دە ورىن العان. وڭتٷستٸككە باعىتتالعان ينۆەستيتسييا كٶلەمٸنٸڭ ۇلعايۋى شىمكەنتتەگٸ مۇناي ٶندٸرۋ زاۋىتىن جاڭعىرتۋ, بەيدٸبەك اۋدانىندا پيتومنيكتٸڭ قۇرىلىسىن جٷرگٸزۋ, تٷلكٸباس اۋدانىندا ساستٶبە تسەمەنت زاۋىتىنىڭ تسەحتارىنىڭ كەڭەيتۋ جۇمىسىنا تارتىلعان ينۆەستيتسييا جۇمىستارىنىڭ ەسەبٸنەن ورىن السا, بٸرقاتار اۋدان, قالالاردا - ارىس (28,7%), كەنتاۋ (54,7%), قازىعۇرت (71,8%), ماقتارال (56,7%), وتىرار (59,2%), سارىاعاش (80,3%), تٶلەبي (96,5%) جەنە شاردارادا (36,6%) ينۆەستيتسييانىڭ كٶلەمٸ تٶمەندەگەن.
«اعىمداعى جىلدىڭ 4 ايىندا وبلىستىڭ ەلەۋمەتتٸك-ەكونوميكالىق ٶسٸم قورىتىندىلارىن تالقىلاعان كەزدە ارىس, قازىعۇرت, ماقتارال, سارىاعاش اۋداندارىندا ينۆەستيتسييا كٶلەمٸ كەمٸگەن بولاتىن. الايدا, ينۆەستيتسييانى تارتۋ جۇمىستارىن جاقسارتۋ تۋرالى تاپسىرما بەرٸلگەنٸنە قاراماستان بۇل اۋدان, قالالاردا جاعداي بٷگٸنگٸ كٷنگە دەيٸن جاقسارماعان. ودان بٶلەك, 5 ايدىڭ قورىتىندىسىمەن جوعارىدا اتى اتالعان اۋداندارمەن بٸرگە كەنتاۋ قالاسى مەن شاردارا, وتىرار, تٶلەبي اۋداندارىندا ينۆەستيتسييا كٶلەمٸ كەمٸگەن. اتاپ ايتقاندا, بىلتىرعى جىلدىڭ 5 ايىمەن سالىستىرعاندا ينۆەستيتسييا كٶلەمٸ ارىستا - 71,3 پايىزعا كەمٸگەن, شاردارادا – 63,4%-عا, كەنتاۋدا – 45,3%-عا, ماقتارالدا 43,3%-عا, وتىراردا – 41%-عا, قازىعۇرتتا - 28%-عا, سارىاعاشتا - 20%-عا, تٶلەبيدە - 4%-عا كەمٸگەن», - دەدٸ ج.تٷيمەباەۆ.
وبلىس ەكٸمٸ جوعارىدا اتالعان سالالار بويىنشا تٶمەن كٶرسەتكٸش كٶرسەتكەن اۋدان, قالا باسشىلارىنىڭ جۇمىسىن سىنعا الدى. ٶڭٸردٸڭ اۋىلشارۋاشىلىق باعىتىنا بەيٸمدەلگەن ايماق ەكەنٸن العا تارتقان ج.تٷيمەباەۆ وڭتٷستٸكتٸڭ اۋىلشارۋاشىلىق ٶنٸمنٸڭ ناقتى كٶلەم يندەكسٸ بويىنشا رەسپۋبليكادا 8 ورىندا ەكەنٸن, بۇدان شىعاتىن قورىتىندى - وبلىس بويىنشا اۋىلشارۋاشىلىقتى دامىتۋعا بٶلٸنٸپ جاتقان قىرۋار قارجى مەن كٶرسەتٸلٸپ جاتقان قولداۋدىڭ تيٸمدٸلٸگٸ تٶمەن ەكەنٸن كٶرسەتٸپ وتىرعانىن جەتكٸزدٸ.
اتالعان مەسەلەنٸ قورىتىندىلاعان ٶڭٸر باسشىسى اۋدان, قالا ەكٸمدەرٸنە ستاتيستيكا ورگاندارىمەن جۇمىستى جانداندىرۋدى, باسقارما باسشىلارى مەن اۋدان, قالا ەكٸمدەرٸ 2017 جىلعا جوسپارلانعان ينديكاتورلاردىڭ تولىق ورىندالۋىن قامتاماسىز ەتۋ قاجەتتٸگٸن, ينديكاتورلاردىڭ ورىندالۋى تۋرالى اقپاراتتى اي قورىتىندىسىمەن ەكونوميكا جەنە بيۋدجەتتٸك جوسپارلاۋ باسقارماسىنا ۇسىنۋدى تاپسىردى.
وتىرىستاعى ەكٸنشٸ مەسەلە - 2017 جىلدىڭ 1 ماۋسىمىنا وبلىستاعى بيۋدجەتتٸڭ اتقارىلۋىنا ارنالدى. مەلٸمەتكە سەيكەس, جەرگٸلٸكتٸ بيۋدجەتكە تٷسەتٸن سالىقتىق جەنە باسقا دا تٷسٸمدەر جوسپارى 110,6%-عا ورىندالىپ 4,6 ملرد. تەڭگە قارجى ارتىق تٷسكەن. بۇل بىلتىرعىمەن سالىستىرعاندا 3 ملرد. تەڭگەگە ٶسٸپ وتىر. دەگەنمەن, اۋدان, قالالار بويىنشا 5,4 ملرد.تەڭگە يگەرٸلمەگەن. سونداي-اق, 3 ملرد. تەڭگەگە جۋىق ۇقساتىلماعان اقشا وبلىستىق دەنساۋلىق ساقتاۋ, اۋىل شارۋاشىلىعى, قۇرىلىس جەنە كەسٸپكەرلٸك يندۋستريالدى يننوۆاتسييالىق دامۋ باسقارماسىنا تيەسٸلٸ ەكەن.
ايماق باسشىسى ەربٸر جاۋاپتى جەتەكشٸلەردەن ساۋالدىڭ جاۋابىن الىپ, يگەرٸلمەگەن قارجىلاردىڭ باسىم كٶپشٸلٸگٸ مەملەكەتتٸك ساتىپ الۋ پروتسەدۋرالارىنىڭ دۇرىس ٶتپەۋٸنە بايلانىستى بولعانىن ەسكە سالدى. سوعان سەيكەس, ج.قانسەيٸتۇلى بارلىق باعدارلاما ەكٸمشٸلەرٸنە, اۋدان, قالا ەكٸمدەرٸنە جەنە وبلىس ەكٸمٸنٸڭ ورىنباسارلارى جەتەكشٸلٸك ەتەتٸن سالالار بويىنشا جوسپارلانعان قارجىلاردىڭ تولىق يگەرٸلۋٸن قاتاڭ باقىلاۋعا الۋدى, سونىمەن قاتار, بيۋدجەت قاراجاتىن ساپالى جەنە مەرزٸمٸندە يگەرۋ بويىنشا ناقتى شارالاردى قابىلداۋدى تاپسىردى. جەنە جەتەكشٸلٸك ەتەتٸن سالالار بويىنشا قۇرىلىس نىساندارىنىڭ ساپاسىنا اسا مەن بەرۋدٸ جٷكتەدٸ.
وتىرىس سوڭىندا, جيىن تٶراعاسى مەجٸلٸس بارىسىندا ايتىلعان كەمشٸلٸكتەر مەن سىن-ەسكەرتپەلەردەن تيٸستٸ قورىتىندى شىعارىپ, نەتيجەلٸ جۇمىس اتقارۋدى تاپسىردى. جارتى جىلدىق ەسەپ بەرۋ كەزەڭٸنٸڭ تاياپ قالعانىن ەسكە سالعان وبلىس باسشىسى جەتەكشٸلەردٸڭ قىزمەتتٸك جاۋاپكەرشٸلٸگٸ وسىناۋ كەزدەسۋلەرگە بايلانىستى ەكەنٸن ەسكەرتتٸ.
