بەلگٸلٸ جۋرناليست ەسەت ماتاەۆ ازاپتاۋ بابى بويىنشا ۇستالعان بۇرىنعى گەنەرال تالعات تاتۋباەۆقا قاتىستى ٶزٸنٸڭ باسىنان ٶتكەن وقيعانى ەسكە الدى. ول بۇل تۋرالى ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى Dalanews.kz.
جۋرناليستتٸڭ سٶزٸنشە, 2016 جىلى ول قارجى پوليتسيياسى باسشىسىنىڭ ورىنباسارى تالعات تاتۋباەۆپەن ەكٸ رەت كەزدەسكەن. سول كەزدە فينپول ٶكٸلٸ ماتاەۆتار وتباسىنا قىلمىستىق كودەكستٸڭ 65-بابى (كٸنەسٸن مويىنداپ, شىن ٶكٸنگەنٸ ٷشٸن جاۋاپكەرشٸلٸكتەن بوساتۋ) بويىنشا كٸنەنٸ مويىنداۋدى ۇسىنعان.
«سول كەزدە ەكەم ەكەۋمٸزگە جالعان ايىپ تاعىلىپ جاتقانىن ايتتىم. لوگيكالىق ارگۋمەنتتەرٸمدٸ ەستٸگەندە, ونىڭ كٶزٸ جىپىلىقتاپ كەتتٸ. سول سەتتە ونىڭ «زاڭ ادامى» ەمەس, قاراپايىم كٶشە ادامى سيياقتى سٶيلەپ تۇرعانىن تٷسٸندٸم. ەڭگٸمەسٸنٸڭ بار مازمۇنى – «جوعارىدان تاپسىرىس تٷستٸ, بەرٸبٸر تٷرمەگە جابىلاسىڭدار» دەگەنگە سايدى», – دەپ ەسكە الادى ەسەت ماتاەۆ.
جۋرناليستٸڭ ايتۋىنشا, سول ٸس بويىنشا بٸرنەشە تانىمال تۇلعا – جوعارعى سوتتىڭ سول كەزدەگٸ باسپاسٶز حاتشىسى بولات كاليانبەكوۆ (قازٸرگٸ مەجٸلٸس اپپاراتى باسشىسىنىڭ ورىنباسارى), «قازاقتەلەكومنىڭ» ۆيتسە-پرەزيدەنتٸ ماحانبەتاجيەۆ, اقپارات كوميتەتٸنٸڭ بۇرىنعى تٶراعاسى بەرسەباەۆ سەكٸلدٸ شەنەۋنٸكتەر قاماۋعا الىنعان. بٸراق ولار قىسىمعا تٶتەپ بەرە الماي, بٸر كٷن تەرگەۋ يزولياتورىندا وتىرعان سوڭ, قارجى پوليتسيياسى قويعان شارتتارعا كەلٸسكەن.
«ولاردىڭ بارلىعى بٸر-بٸر كٷن تەرگەۋ يزولياتورىندا بولىپ, بٸزگە جالا جابۋعا مەجبٷر بولدى. ٸس جٷزٸندە بيلٸك پەن فينپولدىڭ تالابىنا كٶنگەن ادامدار ەدٸ. ولاردىڭ بٸرازى نۇرلان نىعماتۋلين, باعلان مايلىباەۆ, باۋىرجان بايبەك, اسقار جۇماعاليەۆ سەكٸلدٸ تۇلعالارعا جاقىن ادامدار بولاتىن», – دەپ جازدى جۋرناليست.
سونداي-اق ول جوعارعى سوتتىڭ سول كەزدەگٸ باسپاسٶز حاتشىسى بولات كاليانبەكوۆتٸڭ كەيٸنٸرەك بەلگٸلٸ قۇقىق قورعاۋشى, «ەدٸل سٶز» قورىنىڭ جەتەكشٸسٸ تامارا كالەەۆاعا حابارلاسىپ, ماتاەۆتاردى كٸنەنٸ مويىنداۋعا كٶندٸرۋٸن سۇراعانىن اتاپ ٶتتٸ. ماتاەۆتىڭ ايتۋىنشا, كاليانبەكوۆتىڭ ٷستٸنەن قوزعالعان ٸس 2021 جىلى قاڭتار وقيعاسىنىڭ الدىندا جابىلىپ قالعان.
«مەن ول كەزدە وتباسىم مەن جاقىندارىمنىڭ قىسىمعا ۇشىراعانىنا كۋە بولدىم. ەكەمدٸ قاماۋعا الىپ, كەيٸن ماعان تەلەفون ارقىلى شىعىپ, «ەشتەڭەگە ۋايىمداما, ٸس جابىلادى, بەرٸ شيكٸ ەكەنٸن بٸلەدٸ» دەپ سەندٸردٸ. ەرينە, سٶزٸنە تۇرمادى. ەكەمدٸ دە, وتباسىمدى دا, قىزمەتكەرلەرٸمٸزدٸ دە ٷكٸمگە دەيٸن قينادى», – دەيدٸ ول.
ەسەت ماتاەۆ ەكەسٸنٸڭ تٷرمەدەن شىققان سوڭ, مەديافورۋمدا «تەنگرينيۋس» جەتەكشٸسٸ باتىر قازىباەۆتىڭ كەلٸپ, كەشٸرٸم سۇراعانىن دا ايتتى. قازىباەۆ اقپارات قۇرالىندا ماتاەۆتارعا قارسى ماتەريالدار شىعارۋ تۋرالى تاپسىرمانى جوعارىدان العانىن مويىنداعان.
جۋرناليست بۇل جازبانى كەك الۋ ماقساتىندا ەمەس, قۇقىق قورعاۋ ورگاندارىنىڭ قىزمەتكەرلەرٸ ٶز بولاشاعىن ويلانسىن دەگەن نيەتپەن جارييالاعانىن اتاپ ٶتتٸ.
«مەنٸڭ جازعانىم – تەك ٶتكەننەن ساباق الۋ. تەرگەۋشٸلەر, پروكۋرورلار, سۋديالار بولاشاعىن ويلاسىن. بۋمەرانگتىڭ كەرٸ اينالىپ سوعاتىن سەتٸ دە بار. تاتۋباەۆتىڭ وتباسىنا دەنساۋلىق پەن سابىرلىق تٸلەيمٸن. ولار دا ەندٸ تەرگەۋ يزولياتورىنىڭ الدىندا ىستىق پەن سۋىققا تٶزٸپ, جاقىندارىنا تاماق اپارۋدىڭ قانداي ەكەنٸن بٸلسٸن. بۋمەرانگ زاڭدىلىعى ەشكٸمدٸ اينالىپ ٶتپەيدٸ», – دەدٸ ەسەت ماتاەۆ.
قازٸر تالعات تاتۋباەۆقا قاتىستى ازاپتاۋ بابى بويىنشا تەرگەۋ جٷرٸپ جاتىر.
