سونىمەن قاتار، قوعامدىق ورىنداردا جاسالعان قىلمىستار 26،4 پايىزعا، ال كوشەدە جاسالعان قىلمىستار 32،9 پايىزعا تومەندەگەن. جالپى ورىن العان بوتەننىڭ مۇلكىن ۇرلاۋ قىلمىستارى 12،4 پايىزعا، مال ۇرلىعى قىلمىستارى 18،8 پايىزعا كەمىگەن.
– جول-كولىك وقيعالارىن الدىن الۋ، سونداي-اق وبلىس اۆتوجولدارىندا قالىپتاسقان جەدەل جاعدايدى جاقسارتۋ، اۆتواپاتتىلىق دەڭگەيىن ازايتۋ، اۋىرتپاشىلىقتى تومەندەتۋ ماقساتىندا، اعىمداعى جىلى وبلىس اۋماعىندا «ءقاۋىپسىز جول»، «جاياۋ جۇرگىنشى»، «ابايلاڭىز بالالار»، «اۆتوبۋس»، «ماس جۇرگىزۋشى-قىلمىسكەر» جەدەل-پروفيلاكتيكالىق ءىس-شارالارى وتكىزىلىپ، ءوز جالعاسىن تابۋدا، – دەدى ءابدىعاني تويشى ۇلى.
ءابدىعاني سەيدۋالييەۆتىڭ ايتۋىنشا، پروفيلاكتيكالىق شارالاردىڭ ناتيجەسىندە وبلىس اۋماعىنداعى جولداردا ورىن العان جول كولىك وقيعالارى 5،9 پايىزعا تومەندەگەن. الايدا وبلىستىق جانە جەرگىلىكتى ماڭىزدى اۆتوجولداردا بولعان 801 جكو-نىڭ سالدارىنان 142 تۇلعا قازا تاۋىپ، 1133 تۇلعا ءارتۇرلى دەنە جاراقات العان.
بۇدان بولەك، تابيعاتتى قورعاۋ سالاسى بويىنشا 170 قىلمىستىق ىستەر قوزعالىپ، 624 اكىمشىلىك قۇقىقبۇزۋشىلىق جايتتەرى انىقتالعان. وقو ءىىد جەرگىلىكتى پوليسيا قىزمەتىنىڭ قۇرىلىمدارى مۇددەلى مەملەكەتتىك ورگاندارمەن بىرلەسە وتىرىپ «تابيعات»، «قىزعالداق»، «ۋىلدىرىق»، «جەر قويناۋى» سىندى الدىن الۋ ءىس-شارالارىن ۇيىمداستىرىپ كەلەدى.
وقو اكىمىنىڭ باسپا ءسوز قىزمەتى
