تۇركيادان ءۇش اپتا بۇرىن ەكستراديسيالانعان جانە وسكەمەندەگى تەرگەۋ يزولياتورىنا قامالعان بۇرىنعى قۇقىق قورعاۋ ورگانىنىڭ قىزمەتكەرى كوز جۇمدى. بۇل تۋرالى شىعىس قازاقستان وبلىسى بويىنشا قىلمىستىق-اتقارۋ جۇيەسى دەپارتامەنتى مالىمدەدى، دەپ حابارلايدى Dalanews.kz.
ۆەدومستۆونىڭ مالىمەتىنشە، ازامات 3 قازان كۇنى ءوزىن جايسىز سەزىنگەنىن ايتىپ، جەدەل جاردەم شاقىرىلعان جانە شۇعىل تۇردە وسكەمەن قالالىق اۋرۋحاناسىنا جەتكىزىلگەن. الايدا 7 قازان كۇنى ول كەنەتتەن قايتىس بولدى.
الدىن الا بولجام بويىنشا، ءولىم سەبەبى – قوس وكپە ارتەرياسىنىڭ ترومبوەمبولياسى (تامىردىڭ بىتەلۋى). قازىرگى ۋاقىتتا بۇل فاكت بويىنشا تەكسەرىس جۇرگىزىلىپ جاتىر.
