تۇركىتىلدەس جۋرناليستەر قورى مەن دۇنيەجۇزىلىك شەتەلدىك باسپا ءسوز اسسوسياسياسى (World Foreign Press Association — WFPA) «شيەۆرون» كومپانياسىنىڭ سەرىكتەستىگىندە 2023 ج. 5 قازان كۇنى استانا قالاسىنداعى ۇلتتىق اكادەميالىق كىتاپحانادا ب ا ق وكىلدەرىنىڭ باسقوسۋى مەن «الەۋمەتتىك جۋرناليستيكا: باق-تاعى الەۋمەتتىك ماسەلەلەر» تاقىرىبىنا سەمينار-ترەنينگ وتكىزدى.
دەلەگاسيا قۇرامىندا «ترت» تەلەارناسىنىڭ انتاليا فيليالى باسشىسى مۋحاممەد احمەت ءودجال، «اkdeniz manşet» جانە «ءىleri» گازەتتەرىنىڭ قوجايىنى مەحمەت شيفا چيچەك، ، «ترت» تەلەارناسىنىڭ پروديۋسەرى حايرەددين دەنيز، «انادولى اگەنتتىگى» ءتىلشىسى سۇلەيمان ەلچين، «Hürses» گازەتىنىڭ قوجايىنى ەرسين ايدىن، «كemer sözcü» گازەتىنىڭ قوجايىنى احمەت دۋران يەنيگۇن، اكدەنيز ۋنيۆەرسيتەتى جۋرناليستيكا فاكۋلتەتى دەكانىنىڭ ورىنباسارى ىشىك تۇنچەل بار.
قور جانىنان قۇرىلعان مەديا ترەنەرلەر مەكتەبىنىڭ مۇشەسى، تۇركياداعى اكدەنيز ۋنيۆەرسيتەتى جۋرناليستيكا فاكۋلتەتىنىڭ اعا وقىتۋشىسى ىشىل تۇنچەل «داتا جۋرناليستيكا» تۋرالى تاجىريبەسىمەن ءبولىستى.
مەديا ترەنەرلەر مەكتەبىنىڭ مۇشەسى، كاسىبي جۋرناليست، IT سالاسىنىڭ مامانى مەيىرجان اۋەلحان ۇلى «جۋرناليستيكاداعى جاساندى ينتەللەكت» تۋرالى تاجىريبەسىمەن ءبولىستى. جاساندى ينتەللەكت ارقىلى قالاي كونتەنت جاساپ ۇيرەنۋدى ءتۇسىندىرىپ، تاجىريبە جۇزىندە كورسەتتى.
انتاليا جۋرناليستەر وداعى دەلەگاسياسى ىسكەرلىك ساپار بارىسىندا قازاقستان رەسپۋبليكاسى سىرتقى ىستەر مينيسترلىگىنە قاراستى «وتانداستار قورى»، «قازاقستان» رترك» اق-دا ارنايى كەزدەسۋ ۇيىمداستىرىپ، وتاندىق تەلەارنانىڭ جۇمىسىمەن تانىستى. ق ر پرەزيدەنتى جانىنداعى ورتالىق كوممۋنيكاسيالار قىزمەتىنە ارنايى باردى. تۇركيا TRT تەلەارناسىنىڭ قازاقستانداعى فيليالىنىڭ جۇمىسىمەن تانىستى.
بىرنەشە كۇنگە جالعاسقان ساپار اياسىندا شەتەلدىك مەيمانداردىڭ ەۋرازيا ۇلتتىق ۋنيۆەرسيتەتى جۋرناليستيكا فاكۋلتەتىنىڭ ستۋدەنتتەرىمەن كەزدەسۋى جوسپارلانعان.
