جالپى قاشىقتىق – 2500 شاقىرىمدى قۇرايدى. جوبا – ەل تاۋەلسىزدىگىنىڭ 30 جىلدىعىنا ارنالىپ وتىر. «Turan-TV» تەلەارناسى ساياحاتتى تۇگەل تاسپاعا ءتۇسىرىپ، كورەرمەن نازارىنا ۇسىناتىن بولادى. بۇل تۋرالى بريفينگتە تەلەارنا ديرەكتورى رومان بوتابەكوۆ مالىمدەدى.
ۆولونتەر دامير كوشەيەۆ اتالعان ساياحات ەكى ەلدىڭ دوستىعى مەن باۋىرلاستىعىنا ارنالاتىندىعىن جەتكىزدى.
– تۇركيا – ەلىمىزدىڭ ەگەمەندىگىن العاش مويىنداعان باۋىرلاس مەملەكەت. وتىز جىل بويى دوستىق قارىم-قاتىناس جاساپ كەلەمىز. تۇرىك اعايىندار ۇلى اقىنىمىز ابايعا ارناپ ساياباق، ەسكەرتكىش ورناتتى. بۇل ەل مەن تۇلعالارعا دەگەن قۇرمەت. ءبىزدىڭ ساياحاتتىڭ تاعى ءبىر ماقساتى - تۋىس ەلگە العىس ءبىلدىرۋ، قۇرمەت كورسەتۋ، – دەدى دامير مارحابات ۇلى.
ۆولونتەر دامير كوشەيەۆ بۇعان دەيىن اباي قۇنانبايەۆتىڭ 175 جىلدىعىنا وراي الماتى قالاسىنان جيدەباي اۋىلىنا دەيىن 1200 شاقىرىم جولدى 46 كۇندە جاياۋ ءجۇرىپ وتكەن. سونداي-اق، الماتىدان اقتوبە قالاسىنا ۆەلوسيپەدپەن 2200 شاقىرىم جولدى 24 كۇندە باعىندىرعان.
