كەلەس اۋدان ورتالىعىنان شالعايدا ورنالاسقان بوزاي جانە جامبىل اۋىلدىق وكرۋگتەرىندە 500 گەكتارعا جۋىق ەرتە پىسەتىن قاربىز ونىمدەرى ەگىلىپ، بۇگىنگى تاڭدا ديقاندار العاشقى ونىمدەرىن ساتىلىمعا شىعارۋدا.
– قاربىز ءونىمىن بىرنەشە جىلدان بەرى ەگىپ، پايداسىن كورىپ كەلەمىز. بيىل قاربىزدىڭ بىرنەشە ءتۇرىن ەگىپ، 1 گەكتار القاپتان 40-45 توننا ءونىم الۋدامىز. ەككەن ونىمىمىزگە سۇرانىس جوعارى. سەبەبى سىرداريا وزەنىنىڭ جاعالاۋىنداعى قۇمدى توپىراققا وسكەن قاربىزدىڭ ءدامى ءتىل ۇيىرەدى، – دەيدى «جامبىل» وندىرىستىك كووپەراتيۆىنىڭ ءتوراعاسى ماحانبەت قاسىمبەكوۆ.
اتالعان كووپەراتيۆتە 20 وتباسى بىرىگىپ، باقشا ءونىمىن ەگىپ، وندىرگەن ونىمدەرىن رەسەيگە ەكسپورتتاۋدا. سونىمەن بىرگە استانا، الماتى، شىمكەنت سىندى ءىرى قالالارعا ساتۋدا.
ايتا كەتەيىك، بيىل كەلەس اۋدانىندا جالپى باقشا داقىلى 1864 گەكتارعا ەگىلسە، ونىڭ ىشىندە 682 گەكتارىنا قاۋىن، ال 1182 گەكتار اۋماققا قاربىز ەگىلدى.
