ۇلىبريتانيانىڭ وكسفورد قالاسىنداعى، وكسفورد ۋنيۆەرسيتەتىندە ورتالىق ازيا ەلدەرىنە ارنالعان ءبىرىنشى IBC سيمپوزيۋمى ءوتتى. بۇل سيمپوزيۋم ۇلىبريتانيانىڭ وكسفورد ۋنيۆەرسيتەتىنىڭ IBC ديرەكتورى، پروفەسسور حاريس كحۆادج، قازاقستان بارياتريالىق جانە مەتابوليكالىق حيرۋرگيا قوعامىنىڭ پرەزيدەنتى، پروفەسسور و. وسپانوۆ توراعالىعىمەن ۇيىمداستىرىلدى،دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
حالىقارالىق جيىنعا ورتالىق ازيا ەلدەرىنەن بولەك، تۇركيا، يران جانە گرۋزيا ەلدەرىنىڭ وكىلدەرى قاتىستى. ماڭىزدى شاراعا تۇركىستان وبلىسىنىڭ بىلىكتى دارىگەرلەرى باردى. ناقتىراق ايتقاندا، وبلىستىق كلينيكالىق اۋرۋحاناسىنىڭ باس دارىگەرى م.ع.ك. ج. ديلدابەكوۆ، اسقازان ىشەك جانە ەندوكريندىك ورگاندار ءبولىم مەڭگەرۋشىسى ا. نۋراشيەۆ، حيرۋرگ دارىگەرى ق.سۇلتانوۆ، استانا قالاسىنان «پروفەسسور ورال وسپانوۆتىڭ حيرۋرگيا ورتالىعى» حيرۋرگ دارىگەرى گ. دۋيسەنوۆ قاتىسىپ، تاجىريبە الماستى.
سيمپوزيۋمدا ءسوز العان وبلىستىق كلينيكالىق اۋرۋحاناسىنىڭ باس دارىگەرى م.ع.ك. ج. ديلدابەكوۆ سەمىزدىكپەن كۇرەسۋ جولىندا «نەلىكتەن ءبىز FundoRing ءادىسىن تۇركىستان وڭىرىندە قولدانۋدى تاڭدايمىز جانە وسى تاڭداۋدىڭ نەگىزگى سەبەپتەرى قانداي؟» تاقىرىبىندا بايانداما جاسادى. قاتىسۋشىلاردىڭ سۇراقتارىنا جاۋاپ بەرىپ، پىكىر الماستى. جيىن بارىسىندا IBC ديرەكتورى، پروفەسسور حاريس كحۆادجا بۇل وتانىڭ تيىمدىلىگىنە جوعارى باعا بەرىپ ءوتتى. وسىلايشا، ءوڭىر دارىگەرلەرى شەت ەلدەردىڭ ۇزدىك ماماندارىمەن تاجىريبە الماسىپ، بىلىمدەرىن شىڭداۋدا.
