حالىقارالىق دەڭگەيدە ٶتكەن شارانى ش.قالداياقوۆ اتىنداعى وبلىستىق فيلارمونييانىڭ ەنشٸلەرٸ «ناۋرىز» ەنٸمەن اشسا, قازاقستان, تاتارستان رەسپۋبليكالارىنىڭ حالىق ەرتٸسٸ نۇرجامال ٷسەنباەۆا «قازاق ۆالسٸ» ەنٸن ورىنداپ, عاجايىپ كەشتٸڭ جالعاسىن شەتەلدٸك ٶنەر مايتالماندارىنىڭ كەزەگٸنە بەردٸ.
اتاپ ايتقاندا, بۇل كٷنٸ بولگارييادان كەلگەن «تۋركسادەر رودوپ ەسينتيلەري» انسامبلٸ «تراكييا» بيٸن بيلەسە, التايلىق اعايىندار ۇلتتىق ەندەرٸنەن پوپۋرري ورىندادى. ماجارستاندىق ٶنەر ۇجىمدارى دا بۇل كەشتە بار. ونداعى «Forras» انسامبلٸ ۆەنگر حالىق ەنٸن ايتىپ, چۋۆاشتىق كٷمٸسكٶمەي ەنشٸ ۆەرا شۋركينا ٶز تٸلٸندە ەن شىرقادى.
جالپى, گالا-كونتسەرتتەگٸ مەرەكەلٸك 20-دان استام نٶمٸردە 10-نان استام شەتەلدٸك جۇلدىزدار - گرەكتەر مەن سولتٷستٸك كيپر ٶنەر ۇجىمدارى, رۋمىندىقتار, ساحا-ياكۋتتار, مولداۆانىڭ گاگاۋىز ەلٸ, قالمىق ۇلتتارى, ماكەدونييادان كەلگەن ٶنەر ۇجىمى, موڭعولدىقتار, ٶزبەكستاندىق ەنشٸ-بيشٸلەر تٷركٸنٸڭ تٶرٸندە ٶتكەن دۋمان تويدا جىردان شاشۋ شاشىپ, بٸر جاساپ قالدى.
گالا-كونتسەرت جالعاسى وبلىس ەكٸمٸنٸڭ ىقىلاس گٷلدەرٸمەن اجارلانىپ, شارا سوڭى وتشاشۋمەن ەرلەندٸ.
وقو ەكٸمٸنٸڭ باسپاسٶز قىزمەتٸ
