وسىعان وراي سايت تىلشىسىنە پىكىر بىلدىرگەن تانىمال عالىم، ەۋروپالىق قۇقىق جانە ادام قۇقىعى ينستيتۋتىنىڭ باسشىسى مارات ءباشىموۆ ۇلتتىق قۇرىلتايدىڭ ادىلەتتى قازاقستاننىڭ قابىرعاسىن قالاۋعا دانەكەر بولارىن ايتقان ەدى.
ۇلىتاۋ جەرىندە العاشقى قۇرىلتاي ەلىمىزدەگى تۇراقتىلىق پەن تاتۋلىق تاقىرىبىنا ارنالىپ، العاشقى ماجىلىسكە ءتۇرلى ۇلت پەن ۇلىس وكىلدەرى بەلسەنە قاتىسقان.
– تۇركىستاندا وتەتىن كەلەسى قۇرىلتايدا توقايەۆتىڭ ساياسي رەفورمالارىنا تالقىعا سالىنىپ، تارازىعا تارتىلۋى ءتيىس. مەملەكەت باسشىسىنىڭ «ادىلەتتى قازاقستان» كونسەپسياسىندا ۇلتتىق بايلىقتىڭ حالىققا ءادىل ءبولىنۋ كەرەكتىگى تايعا تاڭبا باسقانداي انىق جازىلعان.
توقايەۆتىڭ تۇسىنداعى قازاقستان ۇلىق بولسىن، كىشىك بولسىن، بارلىعىنىڭ قۇقىعى اتا زاڭنىڭ الدىندا تەڭ دەگەن قاعيدانى ۇستانادى. الداعى قۇرىلتايدى وسى ماسەلەنى جان-جاقتى تارازىلاپ، ۇلتتىق بايلىقتى ءادىل بولۋگە قاتىستى حالىقتىڭ كوزقاراسىن ورتاعا سالۋىمىز كەرەك، – دەيدى ساراپشى.
ونىڭ پىكىرىنشە ۇلىتاۋدا وتكەن العاشقى قۇرىلتاي ءوز ميسسياسىن ويداعىداي ورىنداعان. ءدال وسى وڭىردە قازاق حاندارىنىڭ ماجىلىستەرى وتكىزىلىپ، حالىقتىڭ بۇگىنى مەن بولاشاعىن ايقىنداعان ماڭىزدى شەشىمدەر قابىلدانعان. بۇل ۇلى دالانىڭ دەموكراتيالىق ءداستۇرى ىسپەتتەس دۇنيە ەدى.
ءسوي دەگەن مارات ءباشىموۆ اتا زاڭعا ەنگەن وزگەرىستەن كەيىن وتكىزىلگەلى وتىرعان قۇرىلتايدىڭ جاۋاپكەرشىلىگى زور دەگەن ۇستانىمدا.
– حالىق جاڭا قازاقستاننىڭ باعىت-باعدارىنا قارسى ەمەس. كەرىسىنشە، «ەسكى جۇيەنىڭ» ەرەجەلەرىن بۇزىپ-جارىپ، ادىلەتتىلىك ورناتۋعا كوشكەن پرەزيدەنت توقايەۆتى بارىنشا قولداپ وتىر. ونىڭ ساياسي ستراتەگياسى مەن ۇستانىمى حالىقتىڭ كوزقاراسىمەن ساي كەلەدى.
ايتكەنمەن توقايەۆقا قولعان العان ساياسي رەفورمالاردى جۇرتشىلىققا تۇسىندىرۋدە ءالى دە بولسا بىرىزدىلىك جوق. شىن مانىندە ناعىز رەفورمالار ەندى باستالادى. ۇلكەن وزگەرىستەردىڭ كەزەڭى كەلە جاتىر.
ۇلتتىق قۇرىلتايدا باس قوساتىن قاۋىم وسى توڭىرەكتەگى وي-پىكىرىن اشىپ ايتۋعا ءتيىستى، – دەيدى ءباشىموۆ.
ونىڭ اتاپ وتكەنىندەي ادىلەتتىلىك، تەڭدىك، اتا ۇستەمدىگى دەيتىن تۇسىنىكتەردى ءارى قاراي دا تەرەڭدەتە تۇسۋگە ءتيىسپىز. توقايەۆتىڭ تۇسىنداعى قازاقستاندا ادام كاپيتالىنا باسىم كوڭىل ءبولىنىپ، ادامي قۇندىلىقتار الدىڭعى ورىنعا شىعۋى ءتيىس.
«وتكەن وتىز جىلدا يدەولوگيالىق جۇمىس تەك ءبىر ادامدى ماقتاۋعا نەگىزدەلىپ كەتكەنى جاسىرىن ەمەس. جاڭا قازاقستان وسى ءۇردىستى ءبىرجولاتا ءۇزۋدى كوزدەيدى. ادىلەتتى مەملەكەتتىڭ ىرگەسىن قالاعىمىز كەلسە، جاعىمپازدىق اتتى جامان ادەتتەن ادا جاستاردىڭ جاڭا بۋىنىن تاربيەلەۋىمىز قاجەت»، – دەيدى ساراپشى.
ونىڭ پىكىرىنشە تۇركىستاندا وتەتىن قۇرىلتايدا وليگاپوليا، جەمقورلىققا قارسى تۇرۋ ماسەلەسى تەرەڭنىنەن تالقىلانىپ، سىرتقى زاڭسىز شىعارىلعان كاپيتالدى ەلگە قايتارۋدىڭ جولدارى ەگجەي-تەگجەيلى ءسوز بولۋى ءتيىس.
– بۇدان بىلاي بيۋدجەتتىڭ اقشاسىن وڭدى-سولدى شاشۋعا، وعان قول سۇعۋعا جول بەرىلمەۋى كەرەك. قۇرىلتاي مۇشەلەرى مەملەكەت مۇددەسىمەن بايلانىستى ماسەلەلەرگە ءاردايىم سەرگەك قاراپ ۇيرەنگەنى ءجون.
قۇرىلتاي جاڭا دەموكراتيالىق الاڭ. قۇرىلتاي مۇشەلەرىنىڭ ادىلەتتى قازاقستاننىڭ قابىرعاسىن قالاۋداعى ورنى بولەك. قۇرىلتاي جۇمىسىنان ۇلگى العان باسقا دا تاۋەلسىز ۇيىمدار ۋاقىت وتە كەلە توقايەۆتىڭ ساياسي رەفورمالارىن جۇزەگە اسىرۋعا اتسالىساتىن بولادى.
بىزگە مينيستر مەن اكىم-قارالاردىڭ قاس-قاباعىنا قارامايتىن قوعامدىڭ كەڭەستەر مەن ءماسليحاتتار اۋاداي قاجەت. قۇرىلتايدىڭ كەلەسى كەزدەسۋىندە وسى ماسەلەنى نازارعا الۋىمىز كەرەك، – دەيدى ءباشىموۆ.
