تۇركىستاندا حالىقارالىق ححVI «قازاق رومانسياداسى» جاس ورىنداۋشىلارىنىڭ بايقاۋى ءوز مارەسىنە جەتتى. سالتاناتتى شارادا وبلىس اكىمىنىڭ ورىنباسارى ەرتاي التايەۆ مۇنداي حالىقارالىق بايقاۋلاردىڭ ماڭىزى جوعارى ەكەنىنە توقتالىپ، جەلتوقسان ايىندا ماسكەۋ قالاسىندا وتەتىن حالىقارالىق رومانس ورىنداۋشىلارىنىڭ قورىتىندى بايقاۋىنا جولداما العان گران-پري يەگەرىنە تابىس تىلەدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
شارا قازاقستان حالقى اسسامبلەياسىنىڭ اۋىزبىرشىلىكتى ساقتاۋ، ۇلتارالىق دوستىقتى نىعايتۋ ماقساتىنداعى باستامالارى اياسىندا ۇيىمداستىرىلىپ وتىر.
تۇركىستان وبلىستىق اكىمدىگى مەن «يۋجنىي كازاحستان» قوعامدىق-ساياسي گازەتىنىڭ ۇيىمداستىرۋىمەن وتكەن ونەر دوداسىنا قازاقستان، وزبەكستان، قىرعىزستان جانە تاجىكستان ەلىنەن 60 ۇمىتكەر قاتىسىپ، بايقاۋ ەرەجەسىنە سايكەس ەكى كەزەڭ بويىنشا ب ا ق سىنادى. قازاق جانە ورىس تىلىندە رومانس ورىنداعان ۇمىتكەرلەردىڭ ونەرىنە رەسەيدىڭ ەڭبەك سىڭىرگەن ءارتىسى، «رومانسيادا» حالىقارالىق بايقاۋى يدەياسىنىڭ اۆتورى جانە ۇيىمداستىرۋشىسى گالينا پرەوبراجەنسكايا، وزبەكستاننىڭ حالىق ءارتىسى، ناۋاي اتىنداعى مەملەكەتتىك اكادەميالىق ۇلكەن تەاتردىڭ جەتەكشى ءسوليسى اۆاز رادجابوۆ، قىرعىز رەسپۋبليكاسىنىڭ ەڭبەك سىڭىرگەن ءارتىسى يگور ۆورونسوۆ، اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ ءسوليسى، قازاقتىڭ كاسىپتىك ونەرى كافەدراسىنىڭ دوسەنتى گۇلزات بەيسەن قىزى، قازاقستاننىڭ ەڭبەك سىڭىرگەن قايراتكەرى، «استانا وپەرا» جەتەكشى ءسوليسى تالعات مۇسابايەۆ، سونىمەن قاتار گالا-كونسەرت قوناعى «رومانسيادا-2018» ورىس رومانسياداسى جاس ورىنداۋشىلار بايقاۋىنىڭ ءبىرىنشى سىيلىقتىڭ لاۋرەاتى، وپەرا ءانشىسى نيكولاي زەمليانسكيح تورەلىك ەتتى.
قازىلار القاسىنىڭ شەشىمىمەن گران-پري نۇرسۇلتان انۋاربەككە (استانا) بۇيىردى. سونداي-اق «قازاق رومانسى» باعىتىندا 1-ورىندى اليجان قازبەكوۆ (پاۆلودار)، سايات ساقيتجان (استانا)، 2-ورىندى وراز مۇحامەديار (شىمكەنت)، 3-ورىندى اكوبيرجون سوبيرجونوۆ (نامانعان)، نازىم داۋلەت قىزى (الماتى)، «ورىس رومانسى» باعىتىندا بويىنشا 1-ورىندى اسقات بايىشوۆ (بىشكەك)، التىنبەك ارىستانبەك (استانا)، 2-ورىندى احروربەك ابدۋكاححوروۆ (تاشكەنت)، جاننۇر بەردىبەكوۆا (استانا)، رومان چەسنوۆ (بىشكەك) 3-ورىندى سيماك ساتىبالدييەۆ (بىشكەك)، دانيار ايتكۋجينوۆ (الماتى) يەلەندى.
«رومانسيادا ارۋى» نوميناسياسىمەن جانەل مۇراتبەك (شىمكەنت)، «رومانسيادا ءۇمىتى» نوميناسياسىمەن نۇرساندىبەك جاقسىلىق (قىزىلوردا)، ارۋجان يشانبەك (قىزىلوردا)، ايجان پەرنەحان (شىمكەنت)، ماعجان ومىربەكوۆ (الماتى)، «ارتىستىك شەبەرلىگى مەن جارقىندىعى» نوميناسياسىمەن ۇلان اسەكوۆ (بىشكەك)، «رومانتيكاعا ادالدىعى ءۇشىن» نوميناسيسىمەن جانىبەك بولاتوۆ، (استانا)، باقىت قىدىربايەۆ (نۇكىس)، ازيزبەك ۋسمونوۆ (تاشكەنت) ماراپاتتالدى.
