تٷركٸستان قالاسىندا قىتايدىڭ «حۋبەي» حالىقارالىق كەسٸپورىندار ىنتىماقتاستىعى قاۋىمداستىعىنىڭ (Hubei International Enterprise Cooperation Association) ٶڭٸرلٸك ٶكٸلدٸگٸ اشىلدى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
اشىلۋ سالتاناتىنا وبلىس ەكٸمٸ نۇرالحان كٶشەروۆ, قاۋىمداستىق باسشىلىعىنان حۋان ليسيا جەنە بٸرقاتار بيزنەس-قوعامداستىق ٶكٸلدەرٸ قاتىستى. بۇل جوبا ايماقتار اراسىنداعى بايلانىستى نىعايتىپ, ەكونوميكانى دامىتۋعا, سونىمەن قوسا, تەجٸريبە الماسۋ ارقىلى بٸرلەسكەن ماڭىزدى جوبالاردى جٷزەگە اسىرۋعا كٶمەكتەسەتٸن مٷمكٸندٸكتەر الاڭى بولارى سٶزسٸز.
اتالعان ٶكٸلدٸكتٸڭ نەگٸزگٸ ماقساتى – تٷركٸستان وبلىسى مەن حۋبەي پروۆينتسيياسى اراسىنداعى ساۋدا-ەكونوميكالىق جەنە ينۆەستيتسييالىق ەرٸپتەستٸكتٸ دامىتۋ. سونداي-اق كەسٸپكەرلەرگە ەكٸ ٶڭٸر نارىعىنا شىعۋعا, بٸرلەسكەن جوبالاردى جٷزەگە اسىرۋعا جەنە ٶندٸرٸستٸك كووپەراتسييانى كەڭەيتۋگە مٷمكٸندٸك بەرەدٸ. ٶڭٸرلٸك ٶكٸلدٸكتٸڭ نەگٸزٸ باعىتتارىنا ينۆەستيتسييا تارتۋ, ساۋدا بايلانىستارىن دامىتۋ, ٶنەركەسٸپ سالاسى, اۋىل شارۋاشىلىعى, لوگيستيكا, يننوۆاتسييا سالالارىندا بٸرلەسكەن كەسٸپورىندار قۇرۋ جۇمىستارى كٸرەدٸ.
جيىندا وبلىس ەكٸمٸ ٶڭٸردٸ دامىتۋ باعىتىنداعى كەلٸسسٶزدەرگە اشىق ەكەنٸن جەتكٸزدٸ.
– بۇل ٶكٸلدٸك تٷركٸستان وبلىسى مەن حۋبەي پروۆينتسيياسى اراسىنداعى ٸسكەرلٸك بايلانىستاردى كٷشەيتٸپ, جاڭا ەكونوميكالىق مٷمكٸندٸكتەر اشادى. بٸز ٶزارا تيٸمدٸ سەرٸكتەستٸككە دايىنبىز, – دەدٸ نۇرالحان كٶشەروۆ.
ايتا كەتەيٸك, «حۋبەي» حالىقارالىق كەسٸپورىندار ىنتىماقتاستىعى قاۋىمداستىعى – قىتايلىق جەنە شەتەلدٸك بيزنەس اراسىنداعى سەرٸكتەستٸكتٸ دامىتۋعا باعىتتالعان ۇيىم. قاۋىمداستىق ينۆەستيتسييالىق جوبالاردى قولداپ, حالىقارالىق نارىقتا كەسٸپكەرلەرگە كٶمەك بەرەدٸ.
