تۇركىستان قالاسىنداعى «ەتنواۋىل» كەشەنىندە «جالپى ۇلتتىق قۇندىلىق – ەل دامۋى» جوباسى اياسىندا «ۇرپاققا امانات» وبلىستىق فورۋمى ءوتتى. اتالعان فورۋم تۇركىستان وبلىسىنىڭ قوعامدىق دامۋ باسقارماسىنىڭ قولداۋىمەن جانە «شاڭىراق» قوعامدىق بىرلەستىگىنىڭ ۇيىمداستىرۋىمەن جۇزەگە استى،- دەپ حابارلايدى Dalanews.kz
شاراعا تۇركىستان وبلىسى اكىمىنىڭ ورىنباسارى ەرتاي التايەۆ قاتىسىپ، ۇلتتىق قۇندىلىق – ۇلتتىڭ رۋحاني وزەگى ەكەنىن ايتىپ، ونى ساقتاۋ مەن جاڭعىرتۋ – ءاربىر ازاماتتىڭ، اسىرەسە جاس ۇرپاقتىڭ پارىزى ەكەنىن جەتكىزدى.
ءىس-شارا اياسىندا «ۇلتتىق قۇندىلىق – ۇلتتىڭ ۇلى مۇراتى» اتتى وبلىستىق يدەيالار بايقاۋىنىڭ جەڭىمپازدارى ماراپاتتالدى. جالپى بايقاۋعا 51 جوبا ۇسىنىلىپ، ونىڭ 17ء-سى ۇزدىك دەپ تانىلدى. بايقاۋ قورىتىندىسى بويىنشا 1-ورىن «كيىز ءوندىرۋ – ۇلتتىق ءوندىرىس، تۇراقتى تابىس كوزى» جوباسىنا بۇيىرسا. 2-ورىن «رۋحاني مۇرانى زاماناۋي ۇلگىدە دارىپتەۋ» جوباسىنا، ال 3-ورىن «ۇلى دالا جاۋھارلارى» جوباسىنا بەرىلدى.
فورۋم بارىسىندا قازاقستاندىق ەتنوديزاينەر تىلەك سۇلتاننىڭ ارنايى «كونەنىڭ كوزى» اتتى ۇلتتىق كيىمدەر كوللەكسياسى كورەرمەن نازارىنا ۇسىنىلدى.
سونداي-اق فورۋمدا اباي ەلىندەگى رەسپۋبليكالىق «جەتى قازىنا» بايقاۋىنىڭ جەڭىمپازى اقمارال اسان قىزى، ايتىسكەر اقىن ءبىرجان بايتۋوۆ، «ق ر مادەنيەت سالاسىنىڭ ۇزدىگى، قولونەرشى ايدارشا مەرەكە، ءسالت-داستۇر تانۋشى ەكسپەرت گۇلشات جاحان قىزى سىندى ەلگە تانىمال سپيكەرلەر ماڭىزدى باياندامالار جاسادى. ولار قازاق قولونەرى، ۇلتتىق كيىمدەر، وتباسىلىق تاربيەنىڭ ماڭىزى جانە توي مادەنيەتى سەكىلدى ۇرپاققا امانات بولاتىن اسىل مۇرالاردى بوياماسىز جەتكىزۋدىڭ ماڭىزدىلىعىن اتاپ ءوتتى.
