تٷركٸستاندا «ٷلەس» قايىرىمدىلىق قورىنىڭ قولداۋىمەن ەكٸ مۇقتاج وتباسى باسپانالى بولدى
رەسپۋبليكا كٷنٸ مەرەكەسٸ قارساڭىندا بٷگٸن ەكٸ تٷركٸستاندىق مۇقتاج وتباسى باسپانالى بولدى. ٷيدٸ «ٷلەس» قايىرىمدىلىق قورى سالىپ بەردٸ. بۇل قايىرىمدىلىق قورى وسىمەن ٶڭٸردەگٸ 45-وتباسىعا ٷي سىيلاپ وتىر, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
ٸزگٸ شاراعا تٷركٸستان وبلىستىق قوعامدىق دامۋ باسقارماسى «قوعامدىق كەلٸسٸم» كمم-ٸ باسشىسىنىڭ ورىنباسارى ەرنازار باەتوۆ, ەتنومەدەني بٸرلەستٸكتەرٸڭ مٷشەلەرٸ, اقساقالدار, باق ٶكٸلدەرٸ قاتىستى.
تٷركٸستان قالالىق ٶزبەك ەتنومەدەني بٸرلەستٸگٸنٸڭ تٶراعاسى, ۇلاعاتتى ۇستاز رايىمجان قوشقاروۆ جۇرتشىلىققا «ٷلەس» قوعامدىق قورى ارقىلى جاساعان قايىرىمدى ٸستەرٸمەن دە جاقسى تانىس. ول باسقارىپ وتىرعان قور 14 جىلدان بەرٸ ٷي سالىپ, باسپاناعا مۇقتاج وتباسىعا تەگٸن بەرٸپ كەلەدٸ.
ەلٸمٸزدٸڭ ۇلىق مەرەكەسٸندە قۋانىشقا كەنەلگەن وتباسىنىڭ بٸرٸ – تٷركٸستاندىق ف.احمەتجانوۆا. ونىڭ 3 ۇلى, 1 قىزى بار. جولداسى كٶلٸك اپاتىنا ۇشىراپ, قازا تاپقان. تٶرت بٶلمەلٸ ٶز باسپاناسىنىڭ تابالدىرىعىن اتتاعان جالعىزباستى انا قۋانىشتان كٶزٸنە جاس الىپ, كٶمەك قولىن سوزعان بارشا ازاماتتارعا العىسىن بٸلدٸردٸ. ال اقساقالدار قۇتتى باسپانا بولسىن دەگەن تٸلەۋلەستٸكپەن اق باتالارىن بەرٸستٸ.
اتالعان قوردىڭ كٶمەگٸمەن ەكٸنشٸ باسپانا ساۋران اۋدانىنا قاراستى جٷينەك اۋىلىنداعى مۇقتاج وتباسىعا بەرٸلدٸ. وسى اۋىلدىڭ اتىمتاي جومارتتارى مەن 2004 جىلى بٸتٸرگەن مەكتەپ تٷلەكتەرٸ بٸرلەسٸپ, ەسكٸ ٷيدٸڭ ورنىنا جاڭا باسپانا سالىپ بەرگەن. شاڭىراق يەسٸ ە. حايداروۆ جاقسىلىققا جانى قۇمار جاندارعا العىسىن جەتكٸزٸپ, «ەلٸمٸز امان, ەگەمەندٸگٸمٸز مەڭگٸ بولسىن, ەربٸر شاڭىراقتان ىرىس-بەرەكە كەتپەسٸن» دەگەن تٸلەگٸن ايتتى.
بٷگٸندە «ٷلەس» قايىرىمدىلىق قورىنىڭ 300-گە جۋىق مٷشەسٸ بار. ولاردىڭ باسىم بٶلٸگٸ – ون ساۋساعىنان ٶنەر تامعان ۇستالار مەن شەبەرلەر, قۇرىلىسشىلار, باسپانا سالۋعا ماشىقتانعان ماماندار. ياعني قايىرىمدى جاندار تٸكەلەي جۇمىسىنان تىس ۋاقىتتا سالىنىپ جاتقان قۇرىلىسقا كەلٸپ قولۇشىن بەرەدٸ. قۇرىلىس ماتەريالدارى دا كەيدە قوردىڭ ٶزٸنەن, كەيدە قايىرىمدىلىق اكتسييالاردىڭ, دەمەۋشٸلەردٸڭ ەسەبٸنەن جيناقتالادى. ىنتىماق, بٸرلٸكتٸڭ نەتيجەسٸندە يماندىلىق ۇيىعان تٷركٸستان وبلىسىندا كٶپكە ٷلگٸ بولارلىق وسىنداي يگٸ ٸستەر اتقارىلىپ كەلەدٸ.
