ر. سەيتمەتوۆ اتىنداعى تۇركىستان سازدى-دراما تەاترىندا وتەتىن شارانىڭ اشىلۋ راسىمىنە وبلىستىق مادەنيەت باسقارماسى باسشىسىنىڭ ورىنباسارى اسىلحان تەمىرحان ۇلى ارنايى قاتىسىپ، قاتىسۋشىلارعا ساتتىلىك تىلەدى.
– باسقا ونەر ءتۇرى سياقتى تەاتر ونەرى دە قوعامدىق وي-سانانىڭ نەگىزگى ءبىر فورماسى بولىپ سانالادى. حالىقتىق تەاترىنىڭ قۇرامىندا ءبىر كەزدەرى مەن دە بىرنەشە ءرول ويناعان ەدىم. سوندىقتان ءاربىر ۇجىمنىڭ ەڭبەگىن باعالايمىن جانە بارلىق قاتىسۋشىعا ساتتىلىك تىلەيمىن، – دەدى ا.تەمىرحان ۇلى.
فەستيۆال ماقساتى – تاريحي قويىلىمداردى ساحنالاۋ، تەاترلاردىڭ رەپەرتۋارىندا وتانسۇيگىشتىككە تاربيەلەيتىن، پاتريوتتىق رۋحتى وياتاتىن شىعارمالاردىڭ ورىن الۋىنا جانە وبلىستاعى «حالىقتىق» (ۇلگىلى) اتاعى بار تەاترلاردىڭ ونەرىن ناسيحاتتاۋ، بىر-بىرىمەن ىس-تاجىريبە الماسۋ جانە شىعارماشىلىق بايلانىستاردى نىعايتۋ، تىعىز قارىم-قاتىناستا بولۋىنا ىقپال ەتۋ.
![](/uploads/images/20240127194117074.jpg)
ءۇش كۇنگە سوزىلاتىن تەاترلار سايىسىنا وبلىسقا قاراستى اۋدان-قالالاردان 15 تەاتر قاتىسادى. ونەر ۇجىمدارىنىڭ جۇمىسىن جازۋشى، رەجيسسەر، دراماتۋرگ، تەاتر پەدوگوگى اسىلبەك يحسانوۆ، ق ر ەڭبەك سىڭىرگەن قايراتكەرى، ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ اكتريساسى اينۇر بەرمۋحامبەتوۆا جانە ونەرتانۋ عىلىمدارىنىڭ ماگيسترى، تەاترتانۋشى تيمۋر احمەتوۆ باعالاپ، قازىلىق ەتەدى.
ايتا كەتەيىك، ونەر سايىسىندا توپ جارعان ونەر ۇجىمىنا باس جۇلدە، ءى ورىن، ءىى ورىن، ءىىى ورىن يەلەرىنە، سونداي-اق «ۇزدىك رەجيسسەرلىك شەشىم»، «ۇزدىك ەر ادام ءرولى»، «ۇزدىك ايەل ادام ءرولى»، «ۇزدىك ەپيزودتىق ءرولى»، «ۇزدىك مۋزىكالىق بەزەندىرىلگەن قويىلىم»، «ۇزدىك قويۋشى-سۋرەتشى» نوميناسيالارىنا باعالى سىيلىقتار تاعايىندالعان.