تٷركٸستان قالاسىندا «جٸبەك جولى» تۇرعىن ٷي كەشەنٸ پايدالانۋعا تاپسىرىلدى. وبلىس ەكٸمٸ دارحان ساتىبالدى تۇرعىنداردىڭ قۋانىشىن بٶلٸسۋگە ارنايى بارىپ, باسپانا كٸلتتەرٸن تابىستادى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– بارشاڭىزدى كەلە جاتقان تەۋەلسٸزدٸك كٷنٸ مەرەكەسٸمەن شىن جٷرەكتەن قۇتتىقتايمىن! تەۋەلسٸزدٸگٸمٸز مەڭگٸ, مەرتەبەمٸز بيٸك بولسىن! مەملەكەت باسشىسىنىڭ تاپسىرماسىمەن جٷزەگە اسىرىلىپ جاتقان مەملەكەتتٸك باعدارلامالار تۇرعىندارىمىزدىڭ جايلى ٶمٸر سٷرۋٸنە, باسپانا جەنە جۇمىسپەن قامتىلۋىنا باعىتتالعان.
بٷگٸن كەزەكتە تۇرعان 500-دەن اسا وتباسى كٶپتەن كٷتكەن پەتەرٸنە قول جەتكٸزٸپ, قونىس تويىن تويلاۋعا مٷمكٸندٸك الىپ وتىر. جاڭا قونىستارىڭىز قۇتتى بولسىن! – دەدٸ دارحان امانگەلدٸۇلى.
«جٸبەك جولى» تۇرعىن ٷي كەشەنٸنٸڭ قۇرىلىسى تٷركٸستان قالالىق ەكٸمدٸگٸنٸڭ تاپسىرىسىمەن جٷرگٸزٸلدٸ. قالانىڭ ەكٸمشٸلٸك-ٸسكەرلٸك ورتالىعىنان بوي كٶتەرگەن 5 قاباتتى 508 پەتەرلٸ ارەندالىق تۇرعىن ٷي باسپانا كەزەگٸندە تۇرعان ازاماتتارعا ٷلەستٸرٸلەدٸ.
ايتا كەتەيٸك, بيىل جىل باسىنان بەرٸ تٷركٸستان قالاسىندا كەزەكتە تۇرعان 482 وتباسىنا پەتەرلەر تابىستالدى. جالپى, جىل قورىتىندىسىمەن تٷركٸستاندىق 990 وتباسى باسپانامەن قامتاماسىز ەتٸلمەك.
