قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ تاپسىرماسىمەن تٷركٸ ەلەمٸنٸڭ رۋحاني استاناسى – تٷركٸستان قالاسىنىڭ ەرەكشە مەرتەبەگە يە بولۋىنا وراي «TURKISTAN STYLE» حالىقارالىق سۋرەتشٸلەر سيمپوزيۋمى ٶز مەرەسٸنە جەتتٸ. 6 كٷنگە سوزىلعان ٸس-شاراعا ەلەمنٸڭ 8 مەملەكەتٸنەن كەلگەن سۋرەتشٸلەر قاتىستى, - دەپ حابارلايدى Dalanews.kz
ولاردىڭ قاتارىندا ٷندٸستان, تٷركييا, ەزەربايجان, بەلورۋسسييا, ٶزبەكستان, قىرعىزستان, رەسەيدەن جەنە قازاقستاننىڭ ەر ٶڭٸرٸنەن كەلگەن تانىمال سۋرەتشٸلەر مەن پروفەسسورلار بار. وندا 120-دان استام شىعارمالار ۇسىنىلدى. بۇل – قىلقالام شەبەرلەرٸنٸڭ ەرەكشە مەرتەبەگە يە بولعان تٷركٸستاندى ۇلىقتاۋعا قوسقان ٷلەستەرٸ.
سيمپوزيۋمنىڭ قورىتىندىسى رەتٸندە «كونگرەسس حولل» كەشەنٸنٸڭ فويەسٸندە حالىقارالىق سۋرەتشٸلەر سيمپوزيۋمىنىڭ شىعارمالارىنان كٶرمە ۇيىمداستىرىلدى. قىلقالام شەبەرلەرٸنٸڭ تٷركٸستاننىڭ قازٸرگٸ بەينەسٸ بەينەلەنگەن سۋرەتتەرٸ جۇرتشىلىققا ۇسىنىلدى.
سيمپوزيۋمنىڭ قورىتىندى كٶرمەسٸنٸڭ اشىلۋ رەسٸمٸندە تٷركٸستان وبلىسى ەكٸمٸنٸڭ ورىنباسارى ەرتاي التاەۆ «TURKISTAN STYLE» حالىقارالىق سيمپوزيۋمىنا قاتىسۋشى سۋرەتشٸلەردٸ قۇتتىقتاپ, ديپلومدارمەن ماراپاتتاپ, سەرتيفيكاتتار تاپسىردى.
– تٷركٸستان قالاسى زاماناۋي قايتا جاڭعىرىپ, ەرەكشە مەرتەبەگە يە بولعانىن بٸلەسٸزدەر. وسىنداي سەتتە سۋرەتشٸلەردٸڭ رۋحاني استانانىڭ كٶنە تاريحى مەن جاڭارۋىن بەينەلەگەن تۋىندىلارى, ونىڭ ەجەلگٸ تاريحىنا تاعى بٸر ٷڭٸلٸپ, كيەلٸ تٷركٸستاننىڭ بٷگٸنگٸ كٷنٸن ٶنەر تٸلٸمەن ۇلىقتاۋى – قۇپتارلىق ٸس. سٸزدەر سالعان ٶنەر تۋىندىلارى ۇرپاققا ەڭ قىمبات مۇرا, ماڭىزى زور دەرەكتٸ ميراس بولىپ قالاتىنى سٶزسٸز, – دەدٸ وبلىس ەكٸمٸنٸڭ ورىنباسارى ەرتاي كەنجەبەكۇلى.
قىرعىزستان رەسپۋبليكاسىنىڭ حالىق سۋرەتشٸسٸ, توقتوعۇل اتىنداعى مەملەكەتتٸك سىيلىقتىڭ يەگەرٸ اكادەميك يۋريستانبەك شىعاەۆ پەن قر كٶركەم اكادەميياسىنىڭ اكادەميگٸ جەنە ۆيتسە-پرەزيدەنتٸ ەرلان ايتۋاروۆ بەينەلەۋ ٶنەرٸن دامىتۋ ماقساتىنداعى وسىنداي اۋقىمدى ٸس-شارالاردىڭ ماڭىزدىلىعىنا توقتالىپ, سۋرەتشٸلەر اتىنان العىستارىن بٸلدٸردٸ.
