تٷركٸستاندا سالىقشىلاردىڭ جاڭا عيماراتى اشىلدى
– تٷركٸستان وبلىسى قۇرىلىپ, تٷركٸستاندى تٷركٸ ەلەمٸنٸڭ ورتالىعىنا اينالدىرۋ مٸندەتٸ جٷكتەلگەلٸ 2-3 جىلدىڭ ٸشٸندە قالا ادام تانىماستاي ٶزگەردٸ. قالانىڭ دامۋىنا قوماقتى قارجى قۇيىلىپ جاتىر. 2018 جىلى وسىنداعى قىزمەتكەرلەر مەملەكەتتٸك قىزمەتتٸ بٸر كٷنگە توقتاتپاي, شىمكەنتتەن تٷركٸستانعا كٶشٸپ كەلدٸ. سول كەزدە بەرٸنە جاقسى عيمارات جەتپەدٸ. بٷگٸن تيٸستٸ قارجى بٶلٸنٸپ, قۇرىلىسى زامان تالابىنا ساي جٷرگٸزٸلگەن زاماناۋي عيماراتتىڭ اشىلۋىنا كەلٸپ تۇرمىز. بيىل ەل تەۋەلسٸزدٸگٸنٸڭ 30 جىلدىعى مەرەكەلەنٸپ جاتىر. سونىمەن بٸرگە مەملەكەتٸمٸزدٸڭ قارجى سەكتورىنىڭ جۇمىس ٸستەي باستاعانىنا 100 جىل تولىپ وتىر. وسىناۋ مەرەكەلەر قارساڭىندا اشىلعان عيماراتپەن بارشاڭىزدى قۇتتىقتايمىن. ەلدٸڭ, مەملەكەتتٸڭ يگٸلٸگٸنە جاراي بەرسٸن, – دەدٸ ە.جاماۋباەۆ.
تٷركٸستان وبلىسى ەكٸمٸنٸڭ ورىنباسارى ارمان سەبيتوۆ «تٷركٸستان وبلىسىندا 3 جىلدا 250-دەن استام نىسان بوي كٶتەردٸ. كٸرٸس كٶلەمٸ دە ۇلعايىپ وتىر. بۇل جەتٸستٸكتەردە سٸزدەردٸڭ دە ەڭبەكتەرٸڭٸز» دەپ دەپارتامەنتتٸڭ جۇمىسىنا سەتتٸلٸك تٸلەدٸ.
عيماراتتىڭ جالپى الاڭى – 12507 شارشى مەتر. جۇمىس ٸستەۋگە تولىق جاعداي جاسالىپ, سوڭعى ٷلگٸدەگٸ تەحنيكالىق قۇرال-جابدىقتارمەن قامتىلعان. ماڭىزدى جيىنداردى ٶتكٸزۋگە ارنالعان 320 ورىندىق ٷلكەن جەنە 45 ورىندىق كٸشٸ مەجٸلٸس زالى قاراستىرىلعان. كٸشٸ مەجٸلٸس زالىندا ونلاين جينالىستار ٶتكٸزۋگە تولىق مٷمكٸندٸك بار. سونىمەن بٸرگە عيماراتتا تۇرعىندار ٷشٸن 100 ورىندىق كٷتۋ زالى جەنە سالىق تٶلەۋشٸلەردٸ بٸر مەزگٸلدە قابىلدايتىن 14 تەرەزە بار. تاعى بٸر ەرەكشەلٸگٸ, عيمارات ٸشٸنەن قىزمەتكەرلەرگە ارنالعان اسحانا, ارنايى سپورت كەشەنٸ دە قاراستىرىلعان. مۇندا جۇمىستان تىس ۋاقىتتا دەنە شىنىقتىرۋمەن اينالىسىپ, شاعىن فۋتبول, باسكەتبول جەنە ۆولەيبول ويناۋعا بولادى.
ەل تەۋەلسٸزدٸگٸنٸڭ 30 جىلدىق مەرەكەسٸ قارساڭىندا پايدالانۋعا بەرٸلگەن جاڭا عيماراتتا تٷركٸستان وبلىسى بويىنشا مەملەكەتتٸك كٸرٸستەر دەپارتامەنتٸ مەن تٷركٸستان قالاسى بويىنشا مەملەكەتتٸك كٸرٸستەر باسقارماسىنىڭ 207 قىزمەتكەرٸ ورنالاستى.
