كىتاپتىڭ تۇساۋكەسەرىنە ارداگەرلەر، زيالى قاۋىم وكىلدەرى، وقىرماندار، عالىمدار مەن جۋرناليستەر جانە وزگە دە ازاماتتار قاتىستى.
مادەني شارانى اشقان تۇركىستان وبلىسىنىڭ اكىمى جانسەيىت تۇيمەبايەۆ «رۋحاني جاڭعىرۋ» باعدارلاماسى اياسىندا جارىق كورگەن تۋىندىلاردىڭ ماڭىزدىلىعىنا توقتالىپ، كىتاپتىڭ قۇندىلىعى تۋرالى تىلگە تيەك ەتتى.
«ەلباسىمىز «بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ ءۇشىن تاپسىرما بەرگەن بولاتىن. مىنە، وسىعان وراي «رۋحاني جاڭعىرۋ» باعدارلاماسى شەڭبەرىندە وبلىسىمىزدا 2 قۇندى كىتاپ جارىق كورىپ، تۇساۋى كەسىلگەلى تۇر. بۇل ەكى كىتاپ وقىرمان ءۇشىن وتە قاجەت دۇنيەلەر. ءبىز ءوز تاريحىمىز بەن تۋعان ولكەمىزدىڭ سان عاسىردان بەرى كەلە جاتقان شەجىرەسىن ءبىلۋ ارقىلى ۇلتتىق بولمىسىمىزدى، ۇلتتىق كودىمىزدى ساقتاي الامىز. بۇل كىتاپتار رۋحاني جاڭعىرۋ ءۇشىن وتە ماڭىزدى. قىسقاسى، مۇنداي كىتاپتار وقىرمانعا جەتىپ، رۋحاني قازىنادان ءاربىر ازامات سۋسىنداۋى ءتيىس. الداعى ۋاقىتتا «رۋحاني جاڭعىرۋ» باعدارلاماسى مەن «ۇلى دالانىڭ جەتى قىرى» ماقالاسىنداعى تاپسىرمالاردى ورىنداۋ باعىتىنداعى جۇمىستار جالعاسىن تابادى»، – دەدى جانسەيىت قانسەيىت ۇلى.
ءۇش تىلدە شىعارىلىپ وتىرعان «وڭتۇستىك قازاقستان وبلىسىنىڭ تاريحي ورىندارى مەن كيەلى جەرلەرى» اتتى كىتاپ-فوتوالبومدا تۇركىستان وبلىسىنىڭ تاريحي ورىندارى تۇگەل كورسەتىلگەن. مۇندا كيەلى ورىندار مەن ەسكەرتكىشتەر تۋرالى قازاق، اعىلشىن جانە ورىس تىلدەرىندە مالىمەت بەرىلىپ، سۋرەتتەرمەن كومكەرىلگەن.
ال، «وڭتۇستىك قاسيەتتى ورىندارى: ءاڭىز-اپسانالار» اتتى كىتابىندا تۇركىستان وبلىسىنداعى اۋليە-امبيەلەر مەن ەل اۋزىنداعى تۇلعالار تۋرالى اڭىزدار مەن اڭگىمەلەر جازىلعان. بۇل كىتاپتا كونە زامانداردان سىر شەرتەتىن ءاپسانالار مەن قىزىقتى دەرەكتەر مول.
سونىمەن قاتار، وسى كۇنى «2017 جىل: ايشىقتى وقيعالار» اتتى كىتاپ تا وقىرمانعا جول تارتتى. بۇل كىتاپتا وڭىردەگى وتكەن جىلعى ايرىقشا وقيعالار جازىلعان.
تۇركىستان وبلىسى اكىمىنىڭ باسپا ءسوز قىزمەتى
