كەشەندە ۇلتتىق ناقىشتاعى بىرەگەي قولونەر بۇيىمدارىن دايارلايتىن، جوعارى ساپالى قولونەر بۇيىمدارىنىڭ تەحنولوگياسىن وقىتاتىن ءىرى قولونەر شەبەرحاناسىن سالۋ جوسپاردا بار.
ماقسات – تۋريستەردى تارتۋ، كاسىپكەرلىكتى دامىتۋ عانا ەمەس، مادەنيەت پەن مۇرانى ساقتاپ قالۋ.
جاڭا جوبا تۇركىستان وبلىسىنىڭ اكىمى دارحان ساتىبالدىنىڭ توراعالىعىمەن وتكەن باسقوسۋدا تالقىلاندى. قولونەرشىلەر قالاشىعىندا جالپى اۋماعى – 9 مىڭ شارشى مەترگە جۋىق.
جاڭا قالاشىقتا سونىمەن قاتار قوناقۇيلەر مەن اس ۇيلەر سالىنادى. كورمە نەمەسە Showroom ورنالاسادى.
تۇركىستاندا قولونەرشىلەردىڭ الەۋەتى زور. ۇلى جىبەك جولىنىڭ بويىندا ورنالاسقان شاھاردىڭ ورتالعىندا ورنالاساتىن جاڭا قالاشىقتىڭ جوباسى ەرەكشە.
الداعى ۋاقىتتا وڭىردە قولونەرشىلەرگە قولداۋ كورسەتۋ ارقىلى جۇمىس ورىندارىن اشۋ، ءتۋريزمدى دامىتۋ كوزدەلىپ وتىر. بۇل جوبا ءالى دە تەرەڭ تالقىلانىپ، ءتيىستى شەشىم قابىلدانادى.
