ينۆەستيتسييالىق جوبانى «Turkistan Tourism City» كومپانيياسى ٸسكە اسىردى, كەشەن قۇرىلىسى 2019 جىلى جەلتوقسان ايىندا باستالدى. نىسان قوجا احمەت ياسساۋي كەسەنەسٸنە قاراما-قارسى «ەزٸرەت سۇلتان» مەدەني قورىعىنىڭ بۋفەرلٸك ايماعىندا 20,5 گەكتار اۋماقتا ورنالاسقان.
مۇندا 4 مىڭنان استام تۇراقتى جۇمىس ورنى قۇرىلدى. كەشەنگە جٸبەك جولى دەۋٸرٸندەگٸ ساۋداگەرلەر مەن قولٶنەرشٸلەر كٶشەسٸ, «ۇشاتىن تەاتر», ات شوۋىن ٶتكٸزۋگە ارنالعان امفيتەاتر, شىعىس بازارى, ساۋدا سٶرەلەرٸ مەن بۋتيكتەر, قوناق ٷيلەر مەن مەيرامحانالار, سپا جەنە فيتنەس-ورتالىق, كينوتەاتر, وتباسىلىق ويىن-ساۋىق ورتالىعى كٸرەدٸ. بۇل رەتتە, بارلىق قۇرىلىمدار سۋ ارناسى ارقىلى بايلانىستىرىلعان, وندا سۋداعى «قايىق شەرۋٸ» تەاترلاندىرىلعان شوۋى ٶتكٸزٸلەدٸ. «كەرۋەن-ساراي» كەشەنٸنٸڭ ورتالىق ازييادا بالاماسى جوق جەنە ول قوجا احمەت ياسساۋي كەسەنەسٸنەن كەيٸن ٶڭٸرگە تۋريستەر مەن ينۆەستيتسييالاردى تارتاتىن باستى ورتالىققا اينالۋى تيٸس.
ٷكٸمەت باسشىسى وبلىستىق عىلىمي-ەمبەباپ كٸتاپحانامەن تانىستى. بۇل اقپارات پەن شىعارماشىلىققا ارنالعان بٸرەگەي حاب. عيماراتتىڭ ٷش قاباتى وقۋ زالدارى, كوۆوركينگ-ورتالىقتارى, فوتو-, بەينە- جەنە اۋديوجازبا, كالليگرافييا, قىش ٶنەرٸ ستۋدييالارى, شەبەرحانالارى, ونىڭ ٸشٸندە 3D-مودەلدەردٸ جاساۋعا ارنالعان شەبەرحانالارى, سونداي-اق كينوكونتسەرت زالى, كوفەحانالارى, كٸتاپ كەدەسىيلارى مەن قولدان جاسالعان بۇيىمدار دٷكەندەرٸ قامتىلعان زونالارعا بٶلٸنگەن.
كٸتاپحانانىڭ عىلىمي-زەرتتەۋ ورتالىعىندا كٸتاپ ساقتاۋ قويماسى, سيرەك كەزدەسەتٸن كٸتاپتار مەن كٶنە زامانعى قولجازبالاردى ساقتاۋعا ارنالعان بٶلٸم, قۇجاتتاردى, كٸتاپتاردى تسيفرلاندىرۋ جەنە كونسەرۆاتسييالاۋ تسەحتارى, ونىڭ ٸشٸندە ورتالىق ازيياداعى توتىعۋعا قارسى جابدىقپەن جابدىقتالعان بٸردەن-بٸر تسەح بار. جۇمىس ساپارى اياسىندا پرەمەر-مينيستر سونداي-اق تٷركٸستان قالاسىندا باسقا دا ينۆەستيتسييالىق جوبالاردىڭ ٸسكە اسىرىلۋ بارىسىن تەكسەردٸ.
