گاستروفەستيۆال – تۇركىستان قالاسىنىڭ كورنەكتى بەلگىسىنە اينالاتىن، وڭىردەگى قوعامدىق تاماقتاندىرۋ سالاسىن دامىتۋعا جانە گاسترونوميالىق برەندىن قالىپتاستىرۋعا ۇلەس قوسۋ ماقساتىندا ۇيىمداستىرىلعان ايماقتاعى اۋقىمدى اسپازدىق بىرەگەي شارا. جارمەڭكەنى تۇركىستان وبلىستىق تۋريزم باسقارماسىنىڭ «Open Turkistan» تۋريستتىك اقپاراتتىق ورتالىعى ۇيىمداستىردى.
قالانىڭ 30-عا جۋىق مەيرامحاناسى مەن ءدامحاناسى گاستروفەست قوناقتارىنا ۇلتتىق تاعامدار، جەرگىلىكتى دەليكاتەستەر جانە ستريت-فۋد دامدىلەرى، تاتتىلەر مەن سۋسىندارىن ۇسىندى. «ۇلى دالا ەلى» ورتالىعىنىڭ ايماعىندا وتكەن ءىس-شاراعا الىس جاقىن ەلدەردەن جانە وزگە دە ايماقتاردان 10 مىڭنان استام قوناق قاتىستى.
فەستيۆالدە ارنايى كونسەرتتىك باعدارلاما ۇيىمداستىرىلىپ، وندا كۇنى بويى ويىندار، جىلدام تاماقتانۋ بويىنشا كونكۋرستار، جەرگىلىكتى اسپازداردىڭ شەبەرلىك سىنىپتارى، بالالارعا ارنالعان ويىن-ساۋىق باعدارلامالارى ءوتتى.
ۇيىمداستىرۋشىلار ناۋرىز مەرەكەسى مەن قاسيەتتى رامازان ايى قارساڭىندا قاتىسۋشىلار ناۋرىز كوجەدەن جينالعان قاراجاتتى قايىرىمىدىلىق قورىنا اۋداردى. قايىرىمدىلىق جىل سايىنعى «GASTRO FEST TURKISTAN» فەستيۆالىنىڭ داستۇرىنە اينالماق.
«Open Turkistan» تۋريستىك اقپاراتتىق ورتالىعى ءىس-شارا بارىسىندا تۇركىستاننىڭ جاڭارتىلعان گاستروكارتاسىن تانىستىردى. كارتادا تۋريستەرگە بارۋعا ۇسىنىلعان قالا مەكەمەلەرى تۋرالى تولىق اقپارات بار.
گاستروكارتا تۋريستەرگە ارنالعان نۇسقاۋلىق قانا ەمەس، سونىمەن قاتار مەيرامحانالار مەن كافەلەردىڭ قىزمەتىن تۇتىنۋ بارىسىندا جەڭىلدىك كۋپوندارىنىڭ جيناعى بولىپ سانالادى. بارلىق كۋپوندار جىل سوڭىنا دەيىن جارامدى.
تۇركىستان وبلىسى اكىمىنىڭ باسپا ءسوز قىزمەتى
