بٷگٸن تٷركٸستان جوعارى مەديتسينا كوللەدجٸنٸڭ ۇيىمداستىرۋىمەن «كونگرەسس حولل» كٶپسالالى كەشەنٸندە تٷركٸستان جوعارى مەديتسينا كوللەدجٸنٸڭ بٸرٸنشٸ كۋرس ستۋدەنتتەرٸن ستۋدەنت قاتارىنا قابىلداۋ رەسٸمٸ ٶتكٸزٸلدٸ. جيىنعا كوللەدج ستۋدەنتتەرٸ مەن وقىتۋشىلارى جەنە بەلسەندٸ ستۋدەنتتەردٸڭ اتا-انالارى قاتىستى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
جاڭا وقۋ جىلى بارىسىندا وقۋعا تٷسكەن ستۋدەنتتەردٸ قۇتتىقتاۋ كەشٸنە ارنايى قوناقتار شىقىرىلدى. تٷركٸستان وبلىسى ەكٸمٸنٸڭ ورىنباسارى بەيسەنباي تەجٸباەۆ, «اMANAT» پارتيياسى تٷركٸستان وبلىستىق فيليالى اتقارۋشى حاتشىسىنىڭ ورىنباسارى پولات تۇرسىنباەۆ, تٷركٸستان وبلىستىق مەسليحاتىنىڭ دەپۋتاتى عالىمجان ەلشٸباي, تٷركٸستان وبلىستىق بٸلٸم باسقارماسى باسشىسىنىڭ ورىنباسارى ايگٷل قاسىمبەكوۆا ستۋدەنت جاستارعا بٸلٸم جولىندا سەتتٸلٸك تٸلەپ, بولاشاق ورتا بۋىندى مەديتسينا ماماندارىن دايارلاپ وتىرعان بٸلٸم ورداسىن 60 جىلدىق مەرەيتويىمەن قۇتتىقتادى.
سالتاناتتى شارادا تٷركٸستان وبلىستىق مەسليحاتىنىڭ قۇرمەت گراموتاسىمەن «ەمدەۋ ٸسٸ» بٶلٸمٸنٸڭ مەڭگەرۋشٸسٸ س.ابيتاەۆا, حيمييا پەنٸنٸڭ وقىتۋشىسى م.جايسانباەۆا ماراپاتتالسا, تٷركٸستان وبلىسى ەكٸمٸنٸڭ ورىنباسارى ب.تەجٸباەۆتىڭ العىس حاتىمەن №9 حيرۋرگييا جەنە تۋىستاس پەندەر بويىنشا تسەك تٶرايىمى گ.امانباەۆا, جالپى بٸلٸم بەرۋ بٶلٸمٸنٸڭ مەڭگەرۋشٸسٸ د.كۋسەمباەۆا ماراپاتتالدى. «اMANAT» پارتيياسىنىڭ تٷركٸستان وبلىستىق فيليالىنىڭ العىس حاتىمەن ا.نۋرسەيتوۆا, ر.التاي, گ.اميروۆا, ز.نۋرجيگيتوۆا, م.مۋحانوۆا جەنە بەلسەندٸ ستۋدەنتتەر ب.دٷيسەنبەك, ە.قارجاۋباەۆا, ا.جٷزبولات, س.ازيموۆ, و.داستانوۆ ماراپاتتالدى.
ەڭ الدىمەن كوللەدج جاستارى «رۋح» ەنٸنە فلەشموب كٶرسەتتٸ. كوللەدج تابالدىرىعىن العاش اتتاپ وتىرعان ستۋدەنتتەر جاستار ٷشٸن «كونگرەسس حولل» كٶپسالالى كەشەنٸنٸڭ ەرتٸستەرٸ كونتسەرتٸك باعدارلاماسىن ۇسىندى. سوڭىندا تٷركٸستان جوعارى مەديتسينا كوللەدجٸنٸڭ ەنۇرانى شىرقالدى.
تٷركٸستان جوعارى مەديتسينا كوللەدجٸ – 1965 جىلى اشىلعان ٸرگەلٸ وقۋ ورىندارىنىڭ بٸرٸ. بەسەكەگە قابٸلەتتٸ, بٸلٸكتٸلٸگٸ جوعارى, كەسٸبي داعدىلاردى مەڭگەرگەن ورتا بۋىندى مەديتسينا ماماندارىن دايىنداۋدى ماقسات ەتكەن وقۋ ورنى «فەلدشەر», «اكۋشەر», «جالپى پراكتيكاداعى مەيٸرگەر», «مەديتسينالىق لابورانت», «فارماتسەۆت», «دانتيست» بٸلٸكتٸلٸگٸ جەنە مەيٸرگەر ٸسٸنٸڭ «قولدانبالى باكالاۆر» بٸلٸكتٸلٸگٸ بويىنشا ماماندار دايارلايدى. كٶكجيەگٸ كەڭ بٸلٸم ورداسىن مەديتسينا عىلىمدارىنىڭ كانديداتى, «قۇرمەت» وردەنٸنٸڭ يەگەرٸ عالىمجان بيمۋرزاەۆ باسقارادى. قازاقستانداعى الدىڭعى قاتارلى ورتا بۋىندى مەديتسينا ماماندارىن دايارلاپ وتىرعان 60 جىلدىق تاريحى بار وقۋ ورنى بٸلٸم بەرۋدٸڭ حالىقارالىق يننوۆاتسييالىق تەحنولوگييالارىن كەڭٸنەن يگەرٸپ كەلەدٸ. 2024-2025 وقۋ جىلىنا 1-شٸ كۋرسقا 600-گە جۋىق ستۋدەنت قابىلداندى.
كوللەدج تولىققاندى ماتەريالدىق بازامەن قامتاماسىز ەتٸلگەن, زاماناۋي مەديتسينالىق قۇرالدارمەن جابدىقتالعان. ستۋدەنتتەردٸڭ كلينيكالىق ويلاۋ قابٸلەتٸن قالىپتاستىرۋ, كەسٸبي قىزمەتٸنە قۇزٸرەتتٸلٸگٸن ارتتىرۋ ماقساتىندا كوللەدجدە حيرۋرگييا, تەراپييا, اكۋشەرييا جەنە مەيٸربيكە ٸسٸ بويىنشا سيمۋلياتسييالىق ورتالىقتار جۇمىس ٸستەيدٸ.
سونىمەن قاتار كوللەدجدٸڭ اناتومييالىق مۇراجايى, فيتوبار, ەلەكتروندى وقۋ زالى, وقۋ دەرٸحاناسى, زامانعا ساي ستوماتولوگييالىق كلينيكاسى, سپورت كەشەنٸ جەنە 300 ورىندىق جاتاقحاناسى بار.
