وندا تٷركٸستان وبلىسىنىڭ ەكٸمٸ جانسەيٸت تٷيمەباەۆ ەلباسىنىڭ ماقالاسىندا ايتىلعان مٸندەتتەردٸ ورىنداۋعا بايلانىستى ٶڭٸردە اتقارىلعان جۇمىستاردى بايانداپ, الداعى ۋاقىتتا ٸسكە اسىرىلاتىن جوبالارمەن تانىستىردى.
«مەملەكەت باسشىسىنىڭ «ۇلى دالانىڭ جەتٸ قىرى» اتتى تاريحي ماقالاسى ەل ساناسىنا قوزعاۋ سالعان, «مەڭگٸلٸك ەل» بولۋ جولىنداعى ۇلى مٸندەتتەردٸ ايقىنداپ بەرگەن, «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جالعاسى, ەرٸ ەلدٸ بيٸك ماقساتتارعا جەتەلەيتٸن ماڭىزدى قۇجات.
وسى قۇندى باعدارلاماداعى تاپسىرمالاردى ورىنداۋ ماقساتىندا تٷركٸستان وبلىسىندا بٸرقاتار جۇمىستار قولعا الىنىپ, قارقىندى جٷزەگە اسىرىلۋدا.
مەسەلەن, اتبەگٸلٸكتٸ, اڭشىلىقتى, سالت-دەستٷردٸ ناسيحاتتاۋ ماقساتىندا وبلىستا ارنايى فەستيۆالدەر ۇيىمداستىرىلۋدا. سونداي-اق, «قىزىل كٸتاپقا» ەنگەن, ياعني ايرىقشا قورعاۋدى قاجەت ەتەتٸن قىزعالداق گٷلٸن قورعاۋ جەنە سول ايماقتىڭ تۋريستٸك ەلەۋەتٸن كٶتەرۋ ماقساتىندا حالىقارالىق «قىزعالداق» شاراسى قولعا الىندى.
ەلباسىمىزدىڭ ايتۋلى ماقالاسىنىڭ «تٷركٸ ەلەمٸنٸڭ بەسٸگٸ» دەپ اتالاتىن بٶلٸمٸندە تٷركٸستان قالاسىندا تۋعان ياساۋي بابامىز بەن وتىراردان تٷلەپ ۇشقان ەل-فارابي عۇلاما تۋرالى دا ايتىلدى. بۇل باعىتتا دا تاريحي تۇلعالار مەن كٶنە قالالاردى ناسيحاتتاۋ ٷشٸن انيماتسييالىق فيلمدەر مەن تەلەحيكايالار تٷسٸرٸلدٸ. الداعى ۋاقىتتا قوعامدىق سانانى جاڭعىرتۋ باعدارلاماسىن جٷزەگە اسىرۋ باعىتىندا جاڭاشا جوبالاردى قولعا الۋدى جوسپارلاپ وتىرمىز», – دەدٸ جانسەيٸت قانسەيٸتۇلى.
