تۇركىستاندا قارجىلىق مونيتورينگ اگەنتتىگىنىڭ ۇيلەستىرۋىمەن، تۇركىستان وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ ۇيىمداستىرۋىمەن «زاڭ مەن ءتارتىپ. ەكونوميكالىق قاۋىپسىزدىك: «قارجىلىق ساۋاتتىلىقتى ارتتىرۋ جانە تاۋەلدىلىكپەن كۇرەس» رەسپۋبليكالىق فورۋمى ءوتىپ جاتىر، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
فورۋمنىڭ ماقساتى – حالىق اراسىندا قارجىلىق مونيتورينگ ورگاندارىنىڭ وڭ ءيميدجىن قالىپتاستىرۋ، «AML ACADEMY» قارجىلىق مونيتورينگ اكادەمياسىنىڭ الەۋەتىن كوتەرۋ، حالىقتىڭ قارجىلىق ساۋاتتىلىعىن ارتتىرۋ، جاستار اراسىندا قۇقىقتىق اقپاراتتىق سيفرلىق مادەنيەتىن قالىپتاستىرۋ، ويىنقۇمارلىقپەن قارجىلىق پيراميدالاردىڭ الدىن-الۋ جانە كيبەرگيگيەنانى ساقتاۋ ادەتىن قالىپتاستىرۋ.
فورۋمعا قالا اكىمى، ق ر قارجىلىق مونيتورينگ اگەنتتىگىنىڭ وكىلدەرى، قۇقىق قورعاۋ ورگاندارىنىڭ قىزمەتكەرلەرى، جەرگىلىكتى ءماسليحات دەپۋتاتتارى، قوعام بەلسەندىلەرى، جوعارعى جانە ورتا ارناۋلى وقۋ ورىندارىنىڭ ستۋدەنتتەرى، قوعامدىق پىكىر كوشباسشىلارى، سپورتشىلار، «جاستار رەسۋرستىق ورتالىقتارى»، ەكونوميكالىق تەرگەپ-تەكسەرۋ قىزمەتىنىڭ ۆولونتەرلارى، ق ر مادەنيەت قايراتكەرلەرى، تانىمال كينو جانە تەاتر جۇلدىزدارى، مەديا تۇلعالار، وقىتۋشى-پروفەسسورلار، ءدىن وكىلدەرى قاتىستى.
اتالعان فورۋم اياسىندا فلەشموب، پانەلدىك سەسسيالار ينتەللەكتۋالدى ويىن جانە گالا-كونسەرت وتكىزىلەدى. فلەشموب تۇركىستان قالاسىنىڭ اكىمشىلىك-ىسكەرلىك ورتالىعى، و.جارىلقاپوۆ اتىنداعى ورتالىق ستاديون، ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى جانە حالىقارالىق تۋريزم جانە مەيماندوستىق ۋنيۆەرسيتەتتەرىندە ۇيىمداستىرىلدى.
فورۋمدا تۇركىستان وبلىسى اكىمىنىڭ ورىنباسارى ەرتاي التايەۆ پەن تۇركىستان وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ باسشىسى ەربولات بالعابايەۆ ءسوز سويلەپ، جاستاردى جات ادەتتەردەن اۋلاق بولۋعا شاقىردى.
تۇركىستان وبلىسى اۋماعىندا ورنالاسقان 1000 مەكتەپ جانە 50 كوللەدجدىڭ 500 مىڭنان استام شاكىرتى ءبىر مەزەتتە وزدەرىنىڭ لۋدومانيا جانە سينتەتيكالىق ەسىرتكىگە قارسى ەكەندەرىن جەتكىزىپ، چەللەندجدى ەلىمىزدىڭ وزگە وڭىرلەرىنە جولدادى.
فورۋم سوڭىندا تۇركىستان وبلىسىنىڭ ەكونوميكالىق قاۋىپسىزدىگىن ساقتاۋدا ەلەۋلى ەڭبەك ەتكەن ازاماتتارعا العىس حاتتار مەن ارنايى سىيلىقتار تابىستالادى.
