بٷگٸن تٷركٸستاندا كٸتاپحاناشىلار كٷنٸنە وراي «ماحابباتىم – كٸتاپ, ماماندىعىم – كٸتاپحاناشى» تاقىرىبىندا مەرەكەلٸك جيىندى ٶتتٸ. ٸس-شارانى وبلىستىق مەدەنيەت باسقارماسى باسشىسىنىڭ ورىنباسارى ەرجان يساتاەۆ اشىپ بەرٸپ, بارشا جينالعان كٸتاپحاناشىلاردى كەسٸبي مەرەكەمەن قۇتتىقتادى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– بٷگٸندە وبلىستىڭ كٸتاپحانا سالاسى قارقىندى دامىپ كەلەدٸ. ٶڭٸردەگٸ 399 كٸتاپحانانىڭ قازانى كٷندە قايناپ جاتادى. «فاراب» ەمبەباپ عىلىمي كٸتاپحاناسى ەكٸنشٸ جىل قاتارىنان ەلٸمٸز بويىنشا ٷزدٸك اتانىپ وتىر.
جالپى كٸتاپحاناشىلار ەڭبەگٸ ەلەنٸپ, وبلىستىق, رەسپۋبليكالىق سايىستاردا توپ جارۋدا. بۇل بٸز ٷشٸن ٷلكەن جەتٸستٸك. كٸتاپحانانىڭ ەربٸر قىزمەتكەرٸ ٶز ٸسٸن سٷيەتٸن, كٸتاپقۇمار جاندار. وقىرماننىڭ ەربٸر سۇرانىسىنا جاۋاپ بەرٸپ, كٶڭٸلٸنەن شىعىپ وتىرۋ دا ٷلكەن جاۋاپكەرشٸلٸكتٸ تالاپ ەتەدٸ. ەڭبەكتەرٸڭٸزدٸ جوعارى باعالايمىز. سٸزدەرگە كەسٸبي دامۋ, شىعارماشىلىق تابىس تٸلەيمٸن – دەدٸ باسقارما باسشىسىنىڭ ورىنباسارى.
شارا بارىسىندا ەڭبەگٸ ەلەنگەن بٸر توپ سالا ماماندارى ماراپاتتالدى. ٶڭٸر كٸتاپحاناشىلارى وبلىس ەكٸمٸنٸڭ, وبلىس ەكٸمٸنٸڭ ورىنباسارىنىڭ, وبلىستىق مەدەنيەت باسقارماسى باسشىسىنىڭ, قر ۇلتتىق كٸتاپحاناسى مەن قر ۇلتتىق اكادەمييالىق كٸتاپحاناسىنىڭ ديرەكتورلارىنىڭ, «بٸتٸمگەر» مەدياتورلاردىڭ قوعامدىق بٸرلەستٸگٸنٸڭ جەنە «قوعامدىق كەلٸسٸم» مەكەمەسٸنٸڭ العىس حاتىمەن ماراپاتتالدى. سونىمەن قاتار كەشتٸ تٷيٸندەگەن «فاراب» كٸتاپحاناسىنىڭ ديرەكتورى جانات شارداربەكوۆا كٶپشٸلٸككە العىس بٸلدٸرٸپ, اۋدان, قالالارداعى ەرٸپتەستەرٸنە ماراپاتتارىن تابىستادى. سونىمەن قاتار «قازاقستاننىڭ قۇرمەتتٸ كٸتاپحاناشىسى» تٶسبەلگٸسٸمەن كٸتاپحانا سالاسىنىڭ ارداگەرٸن ماراپاتتادى. مەرەكەلٸك كەش ەرٸ قاراي تٷركٸستان قالالىق مەدەنيەت ٷيٸنٸڭ ٶنەرپازدارىنىڭ كونتسەرتتٸك باعدارلاماسىنا ۇلاستى.
ايتا كەتەيٸك, قر ٷكٸمەتٸنٸڭ 2022 جىلدىڭ 18 قازانداعى № 833 قاۋلىسىمەن «24 قازان – كٸتاپحانىشلار كٷنٸ» بولىپ بەكٸتٸلگەن بولاتىن.
