تۇركىستان وبلىسى، تولەبي اۋدانىندا ۇلى جەڭىستىڭ 80 جىلدىعىنا وراي سالتاناتتى جيىن ءوتتى،- دەپ حابارلايدى Dalanews.kz
مەرەكەلىك ءىس-شارا اۋدان ورتالىعىندا ورنالاسقان "جەڭىس" ساياباعىنداعى ماڭگىلىك الاۋعا گۇل شوقتارىن قويۋدان باستالدى.
ءوڭىر باسشىسى ەركەعالي ءالىمقۇلوۆ، اۋداندىق ءماسليحات ءتوراعاسى نۇرلان قويباعاروۆ، ارداگەرلەر كەڭەسى، قوعامدىق كەڭەس ءتوراعالارى، اۋدانداعى زيالى قاۋىم وكىلدەرى قاتىسىپ، بابالار رۋحىنا تاعزىم ەتىلدى. ءبىر مينۋت ۇنسىزدىك جاريالانىپ، قۇران باعىشتالدى.
سونداي-اق، اۋداندىق مادەنيەت ۇيىندە وتكەن سالتاناتتى جيىندا اۋدان اكىمى ەركەعالي امانتاي ۇلى تىل ەڭبەككەرلەرىنە مەرەكەلىك مەدال تابىستاپ، جەڭىس مەرەكەسىمەن قۇتتىقتادى.
«بۇگىندە ورتامىزدا قالماعان ۇلى وتان سوعىسى ارداگەرلەرى مەن قاتارى سيرەپ بارا جاتقان تىل ارداگەرلەرىنىڭ ەرلىگى مەن قايسارلىعى ۇرپاق جادىندا ماڭگى ساقتالادى. ولار بىزگە بەيبىت ءومىر مەن جارقىن بولاشاق سىيلادى. سول سۇراپىل سوعىستاعى ءاربىر جانكەشتىلىك — بۇگىنگى ۇرپاق ءۇشىن تاعىلىم مەن ءتالىم. ارداگەرلەرىمىزدىڭ ەرلىگى مەن ەڭبەگى — ماڭگىلىك ونەگە، وشپەس ۇلگى. جىل سايىن وسىناۋ جەڭىس كۇنىن اتاپ وتە وتىرىپ، ءبىز سول سۇراپىل سوعىستا قازا تاۋىپ، حالقى ءۇشىن قۇربان بولعان جاۋىنگەرلەردىڭ ەسىمدەرىن ارداقتاپ، ارداگەرلەرىمىزدى ۇلىقتايمىز، قۇرمەتپەن ەسكە الامىز. بۇل ءبىزدىڭ پەرزەنتتىك پارىزىمىز»- دەدى قۇتتىقتاۋ سوزىندە اۋدان اكىمى.
مەرەكەلىك ءىس-شارادا پاتريوتتىق اندەر شىرقالىپ، جينالعاندارعا رۋح پەن كوتەرىڭكى كوڭىل-كۇي سىيلادى.
