تٷركٸستان وبلىسى اۋماعىندا «تازا قازاقستان» باعدارلاماسى اياسىندا تازالىق جۇمىستارى كٷندەلٸكتٸ ٶتكٸزٸلٸپ كەلەدٸ. ناقتىراق ايتساق, قازٸرگٸ تاڭدا اۋدان, قالالاردا جالپى 500-گە جۋىق اۋقىمدى تازالىق ٸس-شاراسى ٶتكٸزٸلدٸ. بٷگٸن شاردارا اۋدانىندا, «ۇزىن اتا» كەسەنەسٸ ماڭىن تازالاۋ جۇمىستارى جٷرگٸزٸلۋدە. ەكو-اكتسيياعا 10 اۋىلدىق وكرۋگتەن 150 ادام قاتىستى.
شاراعا اۋداننىڭ اقساقالدار القاسى, بەلسەندٸ جاستار, ٷكٸمەتتٸك ەمەس ۇيىم ٶكٸلدەرٸ, تۇرعىندار قاتىستى.
«تازا قازاقستان» - ەلٸمٸزدەگٸ ەڭ اۋقىمدى شارا. بۇل باعدارلاما ەربٸر تۇرعىننىڭ ەكولوگييالىق مەدەنيەتٸن قالىپتاستىرۋعا, تۋعان جەردٸ تازا ۇستاۋعا باعىتتالعان. بٸز ٶز ٶلكەمٸزدٸ كەلەر ۇرپاققا تازا, ەكولوگيياسى قالىپتاسقان, قوقىسسىز, جاسىل جەلەكتٸ جەر رەتٸندە قالدىرۋىمىز كەرەك», دەدٸ ارداگەرلەر كەڭەسٸنٸڭ تٶراعاسى بەردٸبەكوۆ توقسانباي اقساقال.
ٶتكەن اپتانىڭ ٸشٸندە 11 اۋداننىڭ 25 ەلدٸ مەكەنٸندە اۋقىمدى سەنبٸلٸكتەر ٶتكٸزٸلٸپ, نەتيجەسٸندە 28,2 توننا قوقىس شىعارىلدى. تازالىق جۇمىستارىنا 2 مىڭنان استام تۇرعىن قاتىسىپ, 27 تەحنيكا جۇمىلدىرىلدى.
بٷگٸنگٸ تاڭدا «Taza Qazaqstan» تەلەگرام بوت پلاتفورماسىنا 490 ٶتٸنٸم تٷسكەن. ونىڭ ٸشٸندە, 472 ٶتٸنٸم ورىندالعان, 2 ٶتٸنٸم ورىندالۋ بارىسىندا, 16 ٶتٸنٸم ماعىناسىز بولعاندىقتان, كەرٸ قايتارىلعان. سونىمەن قاتار بيىل قوعامدىق ورىنداردا زاڭ تالاپتارىن بۇزعان 25 300-گە جۋىق ازاماتقا حاتتاما تولتىرىلىپ, 288,5 ملن تەڭگەگە ايىپپۇل سالىندى. بۇدان بٶلەك, اباتتاندىرۋ قاعيداسىنا سەيكەس ٸرگەلەس جاتقان اۋماقتىڭ تازالىعى بويىنشا جەكە تۇرعىن ٷيلەر مەن كەسٸپكەرلٸك نىساندارىنا مونيتورينگ جٷرگٸزٸلدٸ. نەتيجەسٸندە, 1217 ەسكەرتۋ جەنە 625 ايىپپۇل سالىندى. قاعيدانىڭ ساپالى ورىنداۋ باعىتىنداعى جۇمىستار كٷندەلٸكتٸ جٷرگٸزٸلەدٸ.
«تازا قازاقستان» باعدارلاماسى اياسىندا اۋدان, قالا ەكٸمدٸكتەرٸ مەن وبلىستىق تابيعي رەسۋرستار جەنە تابيعاتتى پايدالانۋدى رەتتەۋ باسقارماسىمەن بٸرلەسٸپ كٷزدە اعاش وتىرعىزۋ بويىنشا اۋقىمدى اكتسييا ٶتكٸزۋ جوسپارلانۋدا. اتاپ ايتقاندا, وبلىس اۋماعىندا جالپى 500 مىڭنان استام اعاش وتىرعىزىلماق. بۇل اكتسييا ٶڭٸرلەردٸ كٶگالداندىرۋعا, ەكولوگييالىق جاعدايدى جاقسارتۋعا جەنە حالىقتىڭ ٶمٸر سٷرۋٸنە قولايلى جاعداي جاساۋعا باعىتتالعان. بٷگٸندە اعاشتاردى وتىرعىزۋعا دايىندىق جۇمىستارى جٷرگٸزٸلۋدە.
اتاپ ٶتەيٸك, «تازا قازاقستان» باعدارلاماسى اياسىندا وبلىستا «ٷلگٸلٸ اۋىل» بايقاۋى ٶتۋدە. وعان قازٸرگٸ تاڭدا وبلىستىق دەڭگەيگە 75 اۋىل قاتىسىپ جاتىر. ال ارىس قالاسىندا اتالعان بايقاۋ «ٷلگٸلٸ ٷي», «ٷلگٸلٸ اۋلا», «ٷلگٸلٸ كٶشە», «ٷلگٸلٸ اۋىل» جەنە «ٷلگٸلٸ كٸرەبەرٸس» نوميناتسييالارىن دا جٷزەگە اسىرۋدا. بۇل بايقاۋ قالانىڭ كٶركٸن ارتتىرىپ, تۇرعىندار اراسىندا كٶرٸكتەندٸرۋ جەنە تازالىققا دەگەن جاۋاپكەرشٸلٸكتٸ ارتتىرۋ ماقساتىندا ۇيىمداستىرىلعان بولاتىن.
