اسا تارتىستى وتكەن سايىستا ەرلەر اراسىندا تۇركىستان وبلىسىنىڭ ورەنى بەكجان ءابىلقاسىم 53 كەلىدە ونەر كورسەتىپ، جەڭىمپاز اتاندى. ايەلدەر اراسىندا 57 كەلى سالماقتا ماحسۋدا دجاپپاروۆا دا جەڭىستىڭ شىڭىن باعىندىردى.
بۇدان وزگە 57 كەلىدە سىنعا تۇسكەن تاعى ءبىر جەرلەسىمىز نۇرداۋلەت ۋرمانبەك قولا جۇلدەگەر اتانسا، ايەلدەر اراسىندا ءاقجۇنىس وتەگەنوۆا مەن گۇلناز بوتپايبەك تە قولا جۇلدە ەنشىلەدى.
اپتا سوڭىندا ارمرەستلينگ سپورتىنان دا ەرەسەكتەر اراسىندا قازاقستان چەمپيوناتى ءوتتى. اقتوبە تورىندە وتكەن سىندا تۇركىستاندىقتار كوماندالىق ەسەپتە باس جۇلدەنى جەڭىپ الدى. تۇركىستان وبلىسىنىڭ قول كۇرەس شەبەرلەرى 6 التىن، 3 كۇمىس جانە 3 قولا مەدال ولجالادى.
وسىلايشا تۇركىستان وبلىسىنىڭ سپورتشىلارى ءبىر اپتادا قازاقستان چەمپيوناتتارىنان 17 مەدال ەنشىلەپ، سەنىمدى اقتادى.
