تٷركٸستان وبلىسى, قازىعۇرت اۋدانىندا ورنالاسقان «قازىعۇرت» يندۋستريالدى ايماعىندا 4,9 ملرد تەڭگەنٸ قۇرايتىن 8 جوبا جٷزەگە اسىرىلۋدا. نەتيجەسٸندە, 249 جاڭا جۇمىس ورنىن اشۋ كٶزدەلگەن. بٷگٸندە يندۋستريالدى ايماقتا جالپى قۇنى 2,2 ملرد تەڭگە بولاتىن 4 جوبا ٸسكە قوسىلىپ, 123 جاڭا جۇمىس ورنى اشىلدى. ودان بٶلەك, جاڭا ٶندٸرٸس ورىندارىنىڭ قۇرىلىسى قارقىندى جٷرگٸزٸلٸپ جاتىر, - دەپ حابارلايدى Dalanews.kz
تٷركٸستان وبلىسى ەكٸمٸنٸڭ ورىنباسارى تالعات قوزبەكوۆ قازىعۇرت اۋدانىنا جۇمىس ساپارىمەن بارىپ, «قازىعۇرت» يندۋستريالدى ايماعىن ارالادى. جاڭا جوبالارمەن تانىسىپ, جۇمىستى پىسىقتادى. جاۋاپتى تۇلعالارعا تىڭ جوبالاردى جٷزەگە اسىرۋ ٷشٸن ينۆەستورلار تارتۋ كەرەك ەكەنٸن ايتىپ, جۇمىستى ودان ەرٸ جانداندىرۋدى تاپسىردى.
قازٸرگٸ ۋاقىتتا «بيلول» جك تاراپىنان 3 گەكتار اۋماقتا بولات شارلارىن ٶندٸرەتٸن زاۋىتتىڭ قۇرىلىسى جٷرگٸزٸلٸپ جاتىر. جوبانىڭ جىلدىق قۋاتتىلىعى – 5000-6000 توننا. زاۋىتتىڭ قۇرىلىسى 80% اياقتالىپ, قۇرال-جابدىقتارى ورنالاستىرىلۋدا.
سونىمەن قاتار بيىلعى مامىر ايىندا 2 جوبانىڭ قۇرىلىسى باستالدى. ناقتىراق ايتقاندا, «TIMUR.LES» جشس جيھاز, جۇمساق پوليۋرەتاندى كٶبٸك جەنە باعدارلانعان بٶلشەكتەر تاقتاسىن شىعاراتىن زاۋىت سالۋدى قولعا الدى. زاۋىت ٸسكە قوسىلعاندا جىلىنا 10 مىڭ دانا جيھاز ٶندٸرۋ جوسپارلانۋدا. سونداي-اق, «AGRO irrigation» جشس سۋ ٷنەمدەۋگە ارنالعان پوليەتيلەن قۇبىرلارىن شىعاراتىن زاۋىت سالماق. ينۆەستيتسييا قۇنى 1,2 ملرد تەڭگەنٸ قۇرايتىن جوبانىڭ جىلدىڭ قۋاتتىلىعى – 10 000 توننا. قازٸرگٸ ۋاقىتتا كەسٸپورىندار سالۋعا قاجەتتٸ جەر تەلٸمدەرٸ رەسٸمدەلٸپ, ينۆەستورلار زاۋىتتاردىڭ قۇرىلىس جۇمىستارىنا كٸرٸسكەن. «ساپا 2002» جشس 150 گەكتار جەرگە جاڭبىرلاتىپ سۋعارۋ جٷيەسٸن ەندٸرۋ جۇمىستارىن جٷرگٸزۋدە.
ودان بٶلەك, «كٶرٸك شق» جشس 2018 جىلدىڭ قازان ايىنان باستاپ الكوگولسٸز تابيعي شىرىندى سۋسىندار شىعارۋدا. جوبا قۋاتتىلىعى جىلىنا – 1 مىڭ توننا. 2019 جىلدىڭ قاراشا ايىندا «CG Foods Central Asia» جشس تەز ەزٸرلەنەتٸن تاعامدار ٶندٸرٸسٸن ٸسكە قوسقان. ٶندٸرٸس قۋاتتىلىعى جىلىنا – 1100 توننا. كەسٸپورىن ٶنٸمدەرٸن قازاقستاننان بٶلەك, رەسەي جەنە ورتا ازييا ەلدەرٸنە ەكسپورتتاۋدا. مۇندا 100 ادام جۇمىسپەن قامتىلعان. يندۋستريالدى ايماقتا «اسىل» جشس-نٸڭ اۆتوماتتاندىرىلعان اۋىز سۋ جٷيەسٸ جەنە كاپسۋلالالار ٶندٸرٸسٸ ٸسكە قوسىلعان. سونىمەن قاتار «سابيت» شارۋا قوجالىعى «اعاناي» سۋ قويماسىنا 200 مىڭ شاباق تاستاپ, بالىق ٶسٸرۋمەن اينالىسۋدا.
