تٷركٸستان وبلىسىنىڭ ەكٸمٸ دارحان ساتىبالدىنىڭ تٶراعالىعىمەن ٶتكەن مەجٸلٸستە تٷركٸستان قالاسىنىڭ ەلەۋمەتتٸك-ەكونوميكالىق دامۋ بولجامى تالقىلاندى. قالاعا ٸرگەلەس اۋماقتاردا تاريحي جەنە كٶنە ەسكەرتكٸشتەردٸڭ ورنالاسۋىنا بايلانىستى تۋريزم دامىپ كەلەدٸ. ارنايى ەكونوميكالىق جەنە يندۋستريالدى ايماقتاردىڭ بولۋى دا وبلىس ورتالىعىن ەرەكشەلەندٸرٸپ وتىر. ٶڭٸر باسشىسى قالا دامۋىنا قاجەتتٸ ينفراقۇرىلىمنىڭ تٶمەندٸگٸن العا تارتىپ, جان-جاقتى جۇمىستاردى كٷشەيتۋدٸ تاپسىردى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– تٷركٸستان قالاسىنا ەرەكشە مەرتەبە بەرٸلۋٸ دە بەكەر ەمەس. وبلىس ورتالىعىندا حالىق سانى ارتىپ كەلەدٸ, جۇمىس كٷشٸ دە جەتكٸلٸكتٸ. بارلىق جاعىنان دامۋعا مٷمكٸندٸك بار. حالىقارالىق ەۋەجايدىڭ سالىنۋى, «باتىس ەۆروپا – باتىس قىتاي» اۆتودەلٸزٸ مەن تەمٸرجول تورابىنىڭ بويىندا ورنالاسۋى تۋريستەردٸ كٶپتەپ تارتۋعا سەرپٸن بەرەدٸ. جۋىردا ٶتكەن ينۆەستيتسييالىق فورۋمدا بٸراز كەلٸسٸم جاسالدى. سونىڭ ٶزٸ شاھاردىڭ ەكونوميكاسىن كٶتەرۋگە ٷلەس قوسادى. بٸراق مۇنىمەن شەكتەلمەي, ينۆەستيتسييا تارتۋدى توقتاتپاۋ كەرەك. 2030 جىلعا قاراي تٷركٸستان ٶزٸن-ٶزٸ قارجىلاندىراتىن شاھارعا اينالۋى تيٸس. وسى باعىتتا جۇمىستى كٷشەيتٸڭٸزدەر, – دەدٸ دارحان ساتىبالدى.
جيىن بارىسىندا تٷركٸستان قالاسىنىڭ ەكٸمٸ ەزٸمبەك پازىلبەكۇلى بايانداما جاسادى. ونىڭ ايتۋىنشا, قالا حالقى 234 مىڭنان استى. ەكونوميكالىق بەلسەندٸسٸ 83 مىڭنان اسسا, ونىڭ جۇمىسپەن قامتىلعانى 80 مىڭعا جۋىقتاعان. سونىڭ ٸشٸندە ٶزٸن-ٶزٸ جۇمىسپەن قامتىعاندار 30 مىڭ ادامنان اسىپ وتىر. «قالانىڭ جالپى ٶڭٸرلٸك ٶنٸم كٶلەمٸن 2030 جىلعا قاراي 2,8 ەسە ارتتىرامىز», دەيدٸ قالا ەكٸمٸ.
سوڭعى 4 جىلدا قالا ەكونوميكاسىنا 1,3 ترلن. تەڭگە ينۆەستيتسييا تارتىلعان. الداعى 6 جىلدا نەگٸزگٸ كاپيتالعا باعىتتالعان ينۆەستيتسييا كٶلەمٸن 4,6 ترلن. تەڭگەگە جەتكٸزۋ جوسپارلانىپ وتىر.
تالقىلاۋدا تٷركٸستان وبلىسىنىڭ كەسٸپكەرلٸك جەنە ٶنەركەسٸپ باسقارماسى مەن وبلىستىق تۋريزم باسقارماسىنىڭ باسشىلارى بايانداما جاساپ, ۇسىنىستارىن جەتكٸزدٸ.
تٷركٸستاندا الداعى 6 جىلدا بٸرقاتار جوبالار ٸسكە اسىرىلماق. جوسپارلى كەزەڭدە 541 ملرد .تەڭگەنٸ قۇرايتىن 7 مىڭنان اساتىن جاڭا جۇمىس ورنىمەن 192 ينۆەستيتسييالىق جوبانىڭ پۋلى جاساقتالعان. جالپى ٶڭٸرلٸك ٶنٸم كٶلەمٸ 2,8 ەسە ٶسٸپ, 1,1 ترلن. تەڭگەگە, ال تارتىلاتىن ينۆەستيتسييا كٶلەمٸ 3 ەسە ٶسٸپ, 1,2 ترلن. تەڭگەگە ۇلعايادى. جەرگٸلٸكتٸ تٷسٸم 44,2 ملرد. تەڭگە نەمەسە 2,2 ەسە ٶسٸپ, 81,2 ملرد. تەڭگەنٸ قۇرايدى دەپ جوسپارلانۋدا. كەلەتٸن سىرتقى تۋريستەر سانى 2 ەسە ٶسٸپ, 20 مىڭ ادامعا ارتادى. سونىمەن قاتار جۇمىسسىزدىق دەڭگەيٸن 4,7%-عا تٶمەندەتٸپ, 22 مىڭعا جۋىق جۇمىس ورىندارىن اشۋ كٶزدەلۋدە. باسپانامەن قامتۋ بويىنشا 2411 مىڭ شارشى مەتر تۇرعىن ٷيدٸ پايدالانۋعا بەرۋ جوسپارلانىپ وتىر. سونىمەن قاتار الداعى جىلدارى ٶڭدەۋ ٶنەركەسٸبٸ ٶنٸمٸنٸڭ كٶلەمٸ ارتتىرۋ ماقساتىندا جالپى ٶنەركەسٸپ سالاسىندا قۇنى 142 ملرد. تەڭگەنٸ قۇرايتىن, 3 575 جاڭا جۇمىس ورنىن اشۋعا مٷمكٸندٸك بەرەتٸن, 34 جوبا قاراستىرىلۋدا. ارنايى ەكونوميكالىق ايماعىنىڭ جالپى اۋماعى – 180 گا. وندا جالپى قۇنى 126 ملرد. تەڭگەنٸ قۇرايتىن جەنە 3 050 جاڭا جۇمىس ورنىن اشۋعا مٷمكٸندٸك بەرەتٸن 15 جوبانى ٸسكە اسىرۋ كٶزدەلۋدە.
يندۋستريالدى ايماقتىڭ اۋماعى 190 گەكتاردى قۇرايدى. بٷگٸنگٸ تاڭدا يندۋستريالدى ايماقتا جالپى قۇنى 10,5 ملرد. تەڭگە بولاتىن 954 جۇمىس ورنىمەن 21 جوبا ٸسكە اسىرىلعان. سونىمەن قاتار الداعى جىلدارى قۇنى 15,8 ملرد. تەڭگە بولاتىن جەنە 525 ادامدى جاڭا جۇمىس ورنىمەن قامتۋ مٷمكٸندٸگٸ بار 19 جوبانى ٸسكە اسىرۋ جوسپارلانۋدا.
الداعى جىلدارى قۇرىلىس جۇمىستارىنىڭ كٶلەمٸ جىلدىق ورتاشا ٶسٸم 17 پايىز بولادى دەپ بولجامدانۋدا. جەكە ينۆەستيتسييالىق جوبالار ەسەبٸنەن قۇرىلىس جۇمىستارىنا قۇنى 243,9 ملرد. تەڭگەنٸ قۇرايتىن, 2552 جاڭا جۇمىس ورنىن اشۋعا مٷمكٸندٸك بەرەتٸن 136 جوبا قاراستىرىلۋدا. قالانىڭ جالپى ٶڭٸرلٸك ٶنٸمٸنٸڭ نەگٸزگٸ بٶلٸگٸن كٶتەرمە جەنە بٶلشەك ساۋدا قۇرايدى. سالاعا 6 ملرد. تەڭگەنٸ قۇرايتىن, 340 جۇمىس ورنىن اشۋعا مٷمكٸندٸك بەرەتٸن 8 جوبانى ۇيىمداستىرۋ كٶزدەلگەن.
قالانى دامىتۋدىڭ نەگٸزگٸ باسىم باعىتى – تۋريزم. سالاعا سوڭعى 2 جىلدا 74,2 ملرد. تەڭگە ينۆەستيتسييا تارتىلسا, بيىل 53,5 ملرد. تەڭگەگە جەتەدٸ دەپ كٶزدەلٸپ وتىر. الداعى ۋاقىتتا 145 ملرد. تەڭگەنٸ قۇرايتىن, 955 جۇمىس ورنىن اشۋعا مٷمكٸندٸك بەرەتٸن 13 جوبانى ٸسكە اسىرۋ جوسپارعا ەنگٸزٸلگەن.
