تٷركٸستان وبلىسى كەلەس اۋدانىنا قاراستى الپامىس باتىر اۋىلىنداعى بەيٸمبەت مايلين اتىنداعى مەكتەپتٸڭ مۇعالٸمدەرٸنەن جٶندەۋ جۇمىستارىنا قارجى جينالعانى تۋرالى اقپارات تارادى. بۇل مەسەلەنٸ زاڭگەر ەرٸ جۋرناليست لەززات اسانوۆا كٶتەردٸ, دەپ حابارلايدى dalanews.kz.
ونىڭ جازۋىنشا, مەكتەپ قىزمەتكەرلەرٸنەن كٷردەلٸ جٶندەۋ جۇمىستارىنىڭ سمەتاسىن ەزٸرلەۋ ٷشٸن باستاپقىدا 400 مىڭ تەڭگە جينالعان. كەيٸن قاراجات جەتكٸلٸكسٸز دەگەن سەبەپپەن تاعى 800 مىڭ تەڭگە الىنعان. وسىلايشا, جينالعان جالپى سوما 1,2 ملن تەڭگەگە جەتكەن.
"سمەتاعا اقشا جيناۋ كەرەك بولعان سوڭ, جيناپ بەردٸك", - دەيدٸ مۇعالٸمدەردٸڭ بٸرٸ.
ال كەلەس اۋداندىق بٸلٸم بٶلٸمٸ مۇنداي تاپسىرما بەرمەگەنٸن مەلٸمدەگەن. وسىعان بايلانىستى لەززات اسانوۆا قاراجات جيناۋعا كٸم باستاماشى بولعانىن, اقشانىڭ كٸمگە بەرٸلٸپ, قايدا جۇمسالعانىن انىقتاۋدى تالاپ ەتتٸ.
"ەگەر بۇل اقپارات راس بولسا, قاراجاتتى جيناۋعا كٸم تاپسىرما بەردٸ? اقشا كٸمگە ٶتكٸزٸلدٸ? قايدا جۇمسالدى? قارجىلىق ەسەبٸ بار ما?", - دەپ جازدى ول.
جازبادا مەكتەپتٸڭ ماتەريالدىق-تەحنيكالىق جاعدايىنا قاتىستى دا مەسەلە كٶتەرٸلگەن. ۇستازداردىڭ سٶزٸنشە, جوعارى سىنىپ وقۋشىلارى بٸلٸم الاتىن كەيبٸر كابينەتتەر تالاپقا ساي جابدىقتالماعان, زاماناۋي قۇرالدار جەتكٸلٸكسٸز.
لەززات اسانوۆا مەملەكەتتٸك مەكتەپتٸڭ جٶندەۋ شىعىندارىن مۇعالٸمدەر ٶز قالتاسىنان تٶلەۋگە مٸندەتتٸ ەمەس ەكەنٸن اتاپ ٶتتٸ. ول 1,2 ملن تەڭگە جيناۋ تۋرالى اقپاراتتى رەسمي تٷردە تەكسەرٸپ, مەكتەپ جٶندەۋٸنە بيۋدجەتتەن قانشا قاراجات بٶلٸنگەنٸن جەنە ونىڭ قالاي جۇمسالعانىن قوعامعا اشىق كٶرسەتۋدٸ سۇرادى.
"بۇل – بٸر مەكتەپتٸڭ عانا مەسەلەسٸ ەمەس. بۇل – بٸلٸم سالاسىنداعى قارجىلىق تەرتٸپ پەن جاۋاپكەرشٸلٸك مەسەلەسٸ. قۇزىرلى ورگاندار ناقتى جاۋاپ بەرسٸن: بەيٸمبەت مايلين مەكتەبٸن مەملەكەت قارجىلاندىرىپ وتىر ما, ەلدە ۇستازداردىڭ قالتاسى ما?", - دەدٸ زاڭگەر.
ەزٸرگە مەكتەپ ەكٸمشٸلٸگٸ مەن قۇزىرلى ورگاندار اتالعان مەلٸمدەمەگە قاتىستى رەسمي تٷسٸنٸكتەمە بەرگەن جوق.
