جۋرناليست, زاڭگەر لەززات اسانوۆا تٷركٸستان وبلىسى تٷلكٸباس اۋدانىندا اۆتوتۇراق جۇمىسىنا بٶلٸنگەن 47 ملن تەڭگەنٸڭ قالاي جۇمسالعانىن اشىق جارييالاۋدى تالاپ ەتتٸ. ول بۇل تۋرالى ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى dalanews.kz.
اسانوۆانىڭ مەلٸمەتٸنشە, قاراجات تٷلكٸباس اۋداندىق تۇرعىن ٷي-كوممۋنالدىق شارۋاشىلىق بٶلٸمٸ ارقىلى اۆتوتۇراققا قاتىستى جۇمىستاردى جٷرگٸزۋگە قاراستىرىلعان. الايدا ونىڭ ناقتى قانداي جۇمىستارعا جەنە قالاي جۇمسالعانى جٶنٸندە سۇراقتار تۋىنداعان.
جۋرناليست مەسەلەنٸڭ مەن-جايىن انىقتاۋ ٷشٸن اتالعان بٶلٸمگە ارنايى بارعانىن ايتادى. الايدا بٶلٸم باسشىسىن جۇمىس ورنىنان كەزدەستٸرە الماعان. ال مەكەمە ٶكٸلٸنەن مەردٸگەر, ورىندالعان جۇمىستار جەنە بيۋدجەت قاراجاتى جٶنٸندە ناقتى جاۋاپ الا الماعانىن مەلٸمدەدٸ.
"47 ميلليون تەڭگە – از قاراجات ەمەس. سوندىقتان بٸرنەشە قاراپايىم سۇراققا جاۋاپ بەرٸلۋٸ تيٸس: مەردٸگەر كٸم, سمەتادا قانداي جۇمىستار كٶزدەلگەن, ناقتى قانداي جۇمىس اتقارىلدى, قابىلداۋ اكتٸلەرٸنە كٸمدەر قول قويدى? اۆتوتۇراقتىڭ قۇقىقتىق مەرتەبەسٸ قانداي جەنە ونىڭ اقىلى نەمەسە تەگٸن بولۋى قاي قۇجاتپەن بەلگٸلەنگەن?", - دەپ جازدى لەززات اسانوۆا.
ونىڭ ايتۋىنشا, بۇل بٸر جۋرناليستٸڭ جەكە قىزىعۋشىلىعىنا قاتىستى مەسەلە ەمەس, بيۋدجەت قاراجاتىنىڭ اشىقتىعىنا بايلانىستى قوعامدىق ساۋال. زاڭگەر مەملەكەتتٸك ورگان حالىق قارجىسىنىڭ جۇمسالۋى تۋرالى زاڭدا بەلگٸلەنگەن تەرتٸپپەن اقپارات بەرۋگە مٸندەتتٸ ەكەنٸن اتاپ ٶتتٸ.
وسىعان بايلانىستى ول تٷلكٸباس اۋدانىنىڭ ەكٸمدٸگٸ مەن اۋداندىق تۇرعىن ٷي-كوممۋنالدىق شارۋاشىلىق بٶلٸمٸنەن 47 ملن تەڭگەگە قاتىستى سمەتانى, مەملەكەتتٸك ساتىپ الۋ قۇجاتتارىن, مەردٸگەر تۋرالى مەلٸمەتتٸ, ورىندالعان جۇمىستار مەن ولاردى قابىلداۋ اكتٸلەرٸن اشىق جارييالاۋدى سۇرادى.
"حالىقتىڭ اقشاسىنا جۇمسالعان ەر تەڭگەنٸڭ ەسەبٸ بولۋى كەرەك. قوعام ناقتى ەرٸ قۇجاتپەن راستالعان جاۋاپ كٷتەدٸ", - دەدٸ جۋرناليست.
