وبلىس اكىمىنىڭ ورىنباسارى اق جەلەڭدى ابزال جانداردى ق ر دەنساۋلىق ساقتاۋ مينيسترلىگىنىڭ «ەڭبەك ارداگەرى» توسبەلگىسىمەن، «دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىسىمەن ماراپاتتادى.
تۇركىستان وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆ ءوز كەزەگىندە مەديسينا سالاسىن جاقسارتۋ ماقساتىندا ەڭبەك ەتىپ جۇرگەن دەنساۋلىق ساقتاۋ سالاسىنىڭ قىزمەتكەرلەرىنە ق ر دەنساۋلىق ساقتاۋ مينيسترلىگىنىڭ «دەنساۋلىق ساقتاۋ ءىسىنىڭ ۇزدىگى» توسبەلگىسىن تاپسىردى.
جالپى، 2021 جىلى تۇركىستان وبلىسىندا مەملەكەتتىك-جەكەشەلىك ارىپتەستىك باعدارلاماسى شەڭبەرىندە 4 فەلدشەرلىك-اكۋشەرلىك پۋنكت سالىنىپ اۋىل تۇرعىندارىنا پايدالانۋعا بەرىلدى. بيىل تاعى دا 4 فەلدشەرلىك پۋنكت قۇرىلىسى جۇرگىزىلۋدە.
سونىمەن قاتار اۋىلدىق جەرلەردە جانە شالعاي ەلدى-مەكەندەردە تۇراتىن حالىققا كونسۋلتاسيالىق-دياگنوستيكالىق قىزمەتتەر ءۇشىن كورسەتۋ بارلىق قاجەتتى قۇرال-جابدىقتارمەن جابدىقتالعان جىلجىمالى مەديسينالىق كەشەندەر ارقىلى مەديسينالىق كومەك كورسەتىلۋدە.
2021 جىلى 2809 مەديسينا قىزمەتكەرى بىلىكتىلىگىن ارتتىردى، ونىڭ ىشىندە 109 قىزمەتكەر اقش، تۇركيا، رەسەي ەلدەرىندە بىلىمدەرىن جەتىلدىردى. وسى جۇمىستار بيىل دا جالعاسىن تابۋدا. 2022 جىلدىڭ 9 ايىندا 1223 مەديسينا قىزمەتكەرى بىلىكتىلىگىن ارتتىردى، سونداي-اق تۇركيا ەلىنە وقۋعا جىبەرۋ جوسپارلانۋدا. 2023 جىلى 4 اۋداندىق اۋرۋحانانى (سايرام، ورداباسى، سارىاعاش، جەتىساي) كوپبەيىندى اۋداندىق اۋرۋحانا ەتىپ قايتا قۇرۋ جوسپارلانىپ وتىر.
