Oblys ákiminiń orynbasary aq jeleńdi abzal jandardy QR Densaýlyq saqtaý ministrliginiń «Eńbek ardageri» tósbelgisimen, «Densaýlyq saqtaý isine qosqan úlesi úshin» tósbelgisimen marapattady.
Túrkistan oblystyq qoǵamdyq densaýlyq basqarmasynyń basshysy Marat Pashimov óz kezeginde meditsina salasyn jaqsartý maqsatynda eńbek etip júrgen densaýlyq saqtaý salasynyń qyzmetkerlerine QR Densaýlyq saqtaý ministrliginiń «Densaýlyq saqtaý isiniń úzdigi» tósbelgisin tapsyrdy.
Jalpy, 2021 jyly Túrkistan oblysynda memlekettik-jekeshelik áriptestik baǵdarlamasy sheńberinde 4 feldsherlik-akýsherlik pýnkt salynyp aýyl turǵyndaryna paidalanýǵa berildi. Biyl taǵy da 4 feldsherlik pýnkt qurylysy júrgizilýde.
2021 jyly 2809 meditsina qyzmetkeri biliktiligin arttyrdy, onyń ishinde 109 qyzmetker AQSh, Túrkiia, Resei elderinde bilimderin jetildirdi. Osy jumystar biyl da jalǵasyn tabýda. 2022 jyldyń 9 aiynda 1223 meditsina qyzmetkeri biliktiligin arttyrdy, sondai-aq Túrkiia eline oqýǵa jiberý josparlanýda. 2023 jyly 4 aýdandyq aýrýhanany (Sairam, Ordabasy, Saryaǵash, Jetisai) kópbeiindi aýdandyq aýrýhana etip qaita qurý josparlanyp otyr.
