جيىنعا تٷركٸستان وبلىستىق قوعامدىق دامۋ باسقارماسى باسشىسىنىڭ ورىنباسارى باحىت احىمبەتوۆ, قازاقستان جاستارى كونگرەسٸنٸڭ اتقارۋشى ديرەكتورى توقتار بولىسوۆ قاتىستى.
اتالعان جوبا اياسىندا تٷركٸستان وبلىسىندا 63 جوبا ٸرٸكتەلٸپ, ەربٸر قاتىسۋشىعا ٶز باستامالارىن ٸسكە اسىرۋ ٷشٸن 1 000 000 تەڭگەگە دەيٸن گرانت بٶلٸنگەن.
سالتاناتتى شارا بارىسىندا وبلىستىق قوعامدىق دامۋ باسقارماسى باسشىسىنىڭ ورىنباسارى باحىت سەرسەنبايۇلى اتالعان جوبانىڭ جاس تالانتتار ٷشٸن ٷلكەن قولداۋ بولعانىن اتاپ ٶتتٸ.
– حالقىمىزدا «بٸلەكتٸ بٸردٸ جىعار, بٸلٸمدٸ مىڭدى جىعار» دەگەن قاناتتى سٶز بار. بٷگٸن, مٸنە, «Zhas Project» گرانتتىق جوباسىنىڭ قورىتىندى كەشٸندە بٸلٸكتٸ, تالاپتى جاستار ٷزدٸك جوبالارىن ۇسىنىپ, ٶزدەرٸن كەسٸپكەر رەتٸندە دامىتۋعا مٷمكٸندٸك الىپ وتىر. بارلىعىنىڭ جوباسىمەن تانىسىپ شىقتىق. ونىڭ ٸشٸندە نەرەستەلەرگە ارنالعان ماسساج بەن جٶرگەك, سونداي-اق سپورت سالاسى, تاماق ٶنٸمدەرٸ بويىنشا ماڭىزدى جوبالار بار. وسىلاردىڭ ٸشٸندە ۇلتتىق سپورتىمىزدى ۇلىقتاعان ساداق اتۋ جوباسى ەسەرلٸ بولدى. جالپى, ەلٸمٸزدە 3 ملن, 5 ملن كٶلەمٸندە بەرٸلٸپ جاتقان قايتارىمسىز گرانتتار بار. ولاردىڭ باستى شارتتارىنىڭ بٸرٸ – يننوۆاتسييالىق بولۋى كەرەك. بولاشاقتا تٷركٸستاندىق جاستاردىڭ قولىنان شىققان يننوۆاتسييالىق جوبالار كٶبەيەدٸ دەگەن سەنٸمدەمٸز, – دەدٸ باحىت سەرسەنبايۇلى.
قورىتىندى كەشتە بالجان قۇدايبەرگەننٸڭ «IELTS Study Group» جوباسى, يلياس مارلينوۆتىڭ «بلوكتى باعدارلامالاۋ» جوباسى, الۋا تۇرسىنحاننىڭ «كٶپ رەتتٸك جٶرگەك» جوباسى, كەنتاۋ قالاسىندا وقۋشىلاردى شاحماتقا باۋلاعان مۇعالٸم, ترەنەر اسحات شوتاەۆتاردىڭ جوباسى ٷزدٸك دەپ تانىلدى. ولار كٶپشٸلٸك الدىندا ٶزدەرٸنٸڭ جاڭا جوبالارىن تانىستىرىپ, پراكتيكالىق ماڭىزىنا توقتالدى.
– بٸز جٶرگەكتەردٸ كٶپبالالى جەنە از قامتىلعان وتباسىلارعا تەگٸن تاراتامىز. ەڭ باستىسى ەكولوگييالىق تازا, بالا دەنساۋلىعىنا اللەرگييالىق ەسەرٸ جوق. بٸر رەتتٸك جٶرگەك - 200 تەڭگە. بٸر كٷندە 4 جٶرگەك اۋىستىرساڭىز - 800 تەڭگە. ايلىق شىعىنى 24 مىڭ تەڭگەنٸ قۇرايدى. بٸر ٷيدە 3 بالا بولسا, ايىنا 50-70 مىڭ تەڭگە جۇمسالادى. بٸزدٸڭ جٶرگەكتەر ارقىلى ەر وتباسى 50 مىڭ تەڭگەگە دەيٸن ٷنەمدەي الادى, –دەيدٸ كەنتاۋلىق «كٶپ رەتتٸك جٶرگەك» جوباسىنىڭ جەتەكشٸسٸ الۋا تۇرسىنحان.
ايتا كەتۋ كەرەك, «Zhas Project» – ەلەۋمەتتٸك جوبالاردى ٸسكە اسىرۋعا, ٶز ەلەۋەتٸن, ٶمٸرلٸك ماڭىزدى داعدىلارى مەن كٶشباسشىلىق قاسيەتتەرٸن دامىتۋعا 18 جاستان 28 جاسقا دەيٸنگٸ مٷددەلٸ جاستارعا باعىتتالعان جوبا.
– جوبا اياسىندا مٷمكٸندٸگٸ شەكتەۋلٸ جاندارعا ارنالعان وڭالتۋ ورتالىعى جۇمىس ٸستەيدٸ, تسەرەبرالدى سال اۋرۋى بار بالالارعا ەمدٸك اتپەن جٷرۋ ساباقتارى ٶتكٸزٸلەدٸ, سابىندار, كەپتٸرٸلگەن جەمٸستەردەن جاسالعان ەكو چيپستەر مەن ينكۋباتسييا ارقىلى جۇمىرتقالار ٶندٸرٸلٸپ جاتىر. ٶڭٸرٸمٸزدە جوبانىڭ جاستار اراسىندا ٷلكەن سۇرانىسقا يە بولۋىنا بايلانىستى الداعى ۋاقىتتا گرانتتىق جوبالاردىڭ سانىن ۇلعايتۋدى ۇسىنامىز, – دەيدٸ تٷركٸستان وبلىسى بويىنشا «Zhas Project» جوباسىنىڭ جەتەكشٸسٸ دٸنيسلام بيماحانبەتوۆ.
ەسكە سالا كەتسەك, جوبا بارىسىندا شاعىن گرانتتاردى ٸسكە اسىرۋ قورىتىندىسى بويىنشا تٷركٸستان وبلىسىندا 18 بٸلٸم بەرۋ كۋرسى, 12 سپورت سەكتسيياسى, 6 ناۋبايحانا جەنە كونديتەرلٸك شەبەرحاناسى, 6 تٸگٸن شەبەرحاناسى, 5 لوگوپەدييالىق ورتالىعى, 4 سۇلۋلىق سالونى, 3 ماسساج كابينەتٸ, 3 دەمالىس ورتالىعى ٸسكە قوسىلعان.
