Jiynǵa Túrkistan oblystyq Qoǵamdyq damý basqarmasy basshysynyń orynbasary Bahyt Ahymbetov, Qazaqstan jastary kongresiniń atqarýshy direktory Toqtar Bolysov qatysty.
Atalǵan joba aiasynda Túrkistan oblysynda 63 joba iriktelip, árbir qatysýshyǵa óz bastamalaryn iske asyrý úshin 1 000 000 teńgege deiin grant bólingen.
Saltanatty shara barysynda oblystyq qoǵamdyq damý basqarmasy basshysynyń orynbasary Bahyt Sársenbaiuly atalǵan jobanyń jas talanttar úshin úlken qoldaý bolǵanyn atap ótti.
– Halqymyzda «Bilekti birdi jyǵar, bilimdi myńdy jyǵar» degen qanatty sóz bar. Búgin, mine, «Zhas Project» granttyq jobasynyń qorytyndy keshinde bilikti, talapty jastar úzdik jobalaryn usynyp, ózderin kásipker retinde damytýǵa múmkindik alyp otyr. Barlyǵynyń jobasymen tanysyp shyqtyq. Onyń ishinde nárestelerge arnalǵan massaj ben jórgek, sondai-aq sport salasy, tamaq ónimderi boiynsha mańyzdy jobalar bar. Osylardyń ishinde ulttyq sportymyzdy ulyqtaǵan sadaq atý jobasy áserli boldy. Jalpy, elimizde 3 mln, 5 mln kóleminde berilip jatqan qaitarymsyz granttar bar. Olardyń basty sharttarynyń biri – innovatsiialyq bolýy kerek. Bolashaqta túrkistandyq jastardyń qolynan shyqqan innovatsiialyq jobalar kóbeiedi degen senimdemiz, – dedi Bahyt Sársenbaiuly.
Qorytyndy keshte Baljan Qudaibergenniń «IELTS Study Group» jobasy, Ilias Marlinovtyń «Blokty baǵdarlamalaý» jobasy, Alýa Tursynhannyń «Kóp rettik jórgek» jobasy, Kentaý qalasynda oqýshylardy shahmatqa baýlaǵan muǵalim, trener Ashat Shotaevtardyń jobasy úzdik dep tanyldy. Olar kópshilik aldynda ózderiniń jańa jobalaryn tanystyryp, praktikalyq mańyzyna toqtaldy.
– Biz jórgekterdi kópbalaly jáne az qamtylǵan otbasylarǵa tegin taratamyz. Eń bastysy ekologiialyq taza, bala densaýlyǵyna allergiialyq áseri joq. Bir rettik jórgek - 200 teńge. Bir kúnde 4 jórgek aýystyrsańyz - 800 teńge. Ailyq shyǵyny 24 myń teńgeni quraidy. Bir úide 3 bala bolsa, aiyna 50-70 myń teńge jumsalady. Bizdiń jórgekter arqyly ár otbasy 50 myń teńgege deiin únemdei alady, –deidi kentaýlyq «Kóp rettik jórgek» jobasynyń jetekshisi Alýa Tursynhan.
Aita ketý kerek, «Zhas Project» – áleýmettik jobalardy iske asyrýǵa, óz áleýetin, ómirlik mańyzdy daǵdylary men kóshbasshylyq qasietterin damytýǵa 18 jastan 28 jasqa deiingi múddeli jastarǵa baǵyttalǵan joba.
– Joba aiasynda múmkindigi shekteýli jandarǵa arnalǵan ońaltý ortalyǵy jumys isteidi, tserebraldy sal aýrýy bar balalarǵa emdik atpen júrý sabaqtary ótkiziledi, sabyndar, keptirilgen jemisterden jasalǵan eko chipster men inkýbatsiia arqyly jumyrtqalar óndirilip jatyr. Óńirimizde jobanyń jastar arasynda úlken suranysqa ie bolýyna bailanysty aldaǵy ýaqytta granttyq jobalardyń sanyn ulǵaitýdy usynamyz, – deidi Túrkistan oblysy boiynsha «Zhas Project» jobasynyń jetekshisi Dinislam Bimahanbetov.
Eske sala ketsek, joba barysynda shaǵyn granttardy iske asyrý qorytyndysy boiynsha Túrkistan oblysynda 18 bilim berý kýrsy, 12 sport sektsiiasy, 6 naýbaihana jáne konditerlik sheberhanasy, 6 tigin sheberhanasy, 5 logopediialyq ortalyǵy, 4 sulýlyq salony, 3 massaj kabineti, 3 demalys ortalyǵy iske qosylǵan.
