تۇركىستان وبلىسىندا ازاماتتاردىڭ ءومىرى مەن دەنساۋلىعىنا ءقاۋىپ توندىرەتىن زاڭسىز تەمەكى ونىمدەرىن ءوندىرۋ، ساتۋ جانە اينالىمعا ەنگىزۋمەن اينالىسقان قىلمىستىق توپ اشكەرە بولدى، – دەپ حابارلايدى Dalanews.kz.
ارنايى وپەراسيا ناتيجەسىندە 1 000 شارشى مەتر اۋماقتا كۇندەلىكتى 30-دان اسا جۇمىسشى جۇمىس ىستەيتىن زاڭسىز سەح جويىلعان.
شيكىزات دايىنداۋ مەن لوگيستيكانى ۇيىمداستىرۋدان باستاپ، استانا، الماتى، شىمكەنت قالالارىندا جانە باسقا وڭىرلەردە ءىرى كوتەرمە جەتكىزۋشىلەر ارقىلى وتكىزۋ ارنالارىنا دەيىنگى قىلمىستىق قىزمەتتىڭ بارلىق سحەماسى انىقتالعان.
"زاڭسىز اينالىمنان 10 ملننان اسا تىيىم سالىنعان دايىن ءونىم، 28،8 ملن ءبىر رەتتىك دوزا بولاتىن 14،4 توننادان اسا تەمەكى، 3،3 مىڭ ليتردەن اسا حوش يىستەندىرگىش پەن ۋلى قوسپالار، سونداي-اق، وندىرىستىك جابدىقتار تاركىلەندى"، - دەپ جازىلعان حابارلامادا.
