تۇركىستان وبلىسى پد اۋداندىق پوليسيا ءبولىمىنىڭ ءبىر قىزمەتكەرى زاڭعا قايشى ارەكەت جاسادى دەگەن كۇدىكپەن قولعا تۇسكەنىن حابارلادى، دەپ حابارلايدى Dalanews.kz.
تۇركىستان وبلىسى پوليسيا دەپارتامەنتىنىڭ وزىندىك قاۋىپسىزدىك باسقارماسى ۇقكد-مەن بىرلەسىپ، قۇقىققا قايشى ارەكەتتەر جاسادى دەگەن كۇدىكپەن اۋداندىق پوليسيا ءبولىمىنىڭ قىزمەتكەرىن ۇستادى.
قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى.
اتالعان فاكت بويىنشا بولعان وقيعانىڭ بارلىق ءمان-جايلارىن انىقتاۋعا باعىتتالعان سوتقا دەيىنگى تەرگەۋ امالدارى جۇرگىزىلۋدە.
وسى رەتتە پوليسيا دەپارتامەنتىندە تارتىپتىك كوميسسيانىڭ وتىرىسى وتكىزىلىپ، ونىڭ شەشىمىمەن قىزمەتكەر تەرىس سەبەپتەرمەن ىشكى ىستەر ورگاندارىنان شىعارىلدى. سونداي-اق باسقا جاۋاپتى لاۋازىمدى تۇلعالارعا قاتىستى قىزمەتتىك تەكسەرۋ جۇرگىزىلۋدە.
ءوڭىردىڭ پوليسيا دەپارتامەنتى ءوز قاتارلارىن مۇنداي ارام پيعىلدى قىزمەتكەرلەردەن تۇراقتى نەگىزدە تازارتۋ، قىزمەتتىك ءتارتىپتى نىعايتۋ جانە جەكە قۇرام اراسىندا زاڭدىلىقتىڭ مۇلتىكسىز ساقتالۋىن قامتاماسىز ەتۋ جونىندەگى شارالاردى ۇزدىكسىز جانە جۇيەلى تۇردە ىسكە اسىراتىنىن مالىمدەيدى.
