ارىس اۋدانىنداعى «كوكساراي سۋ رەتتەگىشىنە» بارعان ۆەدومستۆو باسشىسى نىسان بوگەتىنىڭ بەرىكتىگىن ارتتىرۋعا جانە رەكونسترۋكسيا جاساۋعا ارنالعان جوبالىق-سمەتالىق قۇجاتتى تەزدەتىپ اياقتاۋدى تاپسىردى.
ايتا كەتەيىك، قازىرگى ۋاقىتتا مينيسترلىك وبلىستا «يرريگاسيالىق جانە درەناجدىق جۇيەلەردى جەتىلدىرۋدىڭ ەكىنشى فازاسى (يدججج-2) جوباسىن جۇزەگە اسىرۋدا. جوبا وبلىستاعى 62 مىڭ گەكتار سۋارمالى جەردىڭ مەليوراتيۆتى جاعدايى مەن سۋمەن قامتۋدى جەتىلدىرۋگە مۇمكىندىك بەرەدى.
سونىمەن بىرگە سۋارۋ كەزەڭىندەگى سۋ جوعالتۋ كولەمى 199 ملن.م3-قا دەيىن ازايىپ، جايىلىمداردى سۋمەن قامتۋ 65%-دان 100%-عا جەتەدى. جوبا اياسىندا 12،4 مىڭ اۋىل تۇرعىنى جۇمىسپەن قامتىلادى. جالپى، يدججج-2 ارقىلى «ماقتاارال-1» ءبىرىنشى جىبەرۋ كەشەنى، «ماقتاارال-1» ەكىنشى جىبەرۋ كەشەنى، «ارىس-تۇركىستان»، «قىزىلقۇم-1»، «ماقتاارال-2» يرريگاسيالىق-درەناجدى جەلىلەرى ىسكە قوسۋ جوسپارلانعان.
مينيستر وسى اۋقىمدى جوسپار اياسىندا ءجۇرىپ جاتقان شاردارا، جەتىساي اۋداندارىنداعى 6ر-2، 5ر-1، ك-22-1، ك-13-5، ك-18 كانالدارىنداعى قۇرىلىس جۇمىستارىن تەكسەردى.
ماعزۇم مىرزاعالييەۆ شاردارا سۋ قويماسىنان ماشينالىق ادىسپەن سۋ كوتەرۋ ستانسياسىنىڭ ۆەگەتاسياعا دايىندىق جۇمىسىن دا كوردى.
– ۆەگەتاسيالىق كەزەڭ جاقىنداپ كەلە جاتىر. ديقانداردى سۋمەن قامتاماسىز ەتۋ – ءبىزدىڭ نەگىزگى جانە ستراتەگيالىق مىندەتىمىز. ماۋسىمنىڭ ءساتتى ءوتۋى وسى جۇمىسقا تىكەلەي بايلانىستى. وبلىستا 300 مىڭ گەكتار سۋارمالى جەر بار. جۇمىس تاۋلىك بويى جۇرگىزىلىپ، سۋ ۇنەمدەۋ تەحنولوگياسىن قولدانۋ قاجەت. اۋىل شارۋاشىلىعى وندىرۋشىلەرىنىڭ وزدەرى دە سۋارمالى سۋدى ءتيىمدى، ۇقىپتى پايدالانۋعا قاتىستى شارالاردى قابىلداۋى كەرەك، – دەدى ماعزۇم مىرزاعالييەۆ.
ساپار بارىسىندا ترانسشەكارالىق ۇلكەن كەلەس ماگيسترالدى كانالىنىڭ (بكمك)، «زاح»، «حانىم» ماگيسترالدارى كانالدارىنىڭ دا جۇمىسى تالقىلاندى.
– وزدەرىڭىزگە بەلگىلى، قازاقستان جىل سايىن كورشى ەلدەرمەن ترانسشەكارالىق سۋ رەسۋرستارىن پايدالانۋ بويىنشا كەلىسسوزدەر جۇرگىزەدى. ۋاقىتىلى قابىلدانعان شارالار وتە ماڭىزدى. الايدا سۋمەن قامتاماسىز ەتۋدە سۋ ينفراقۇرىلىمى مەن سۋ شارۋاشىلىعى نىساندارىنىڭ احۋالى دا ۇلكەن ءرول اتقارادى. سوندىقتان جوندەۋ جۇمىستارى ساپالى، ۋاقىتىلى ءجۇرۋى كەرەك، – دەدى مينيستر.
بۇدان بولەك، جەتىساي اۋدانىنداعى 1957 جىلى سالىنعان ك-19 كانالىنا اۆتوماتتىندىرۋ جۇيەسىنىڭ ەنگىزىلۋىن دە اتاپ ءوتۋ كەرەك. سەبەبى وندا بۇگىنگە دەيىن سۋ قاراپايىم جولمەن ەسەپتەلىپ كەلدى، سوندىقتان سۋ شىعىنىن دۇرىس باقىلاۋ قيىنعا سوعىپ، رەسۋرستى ءتيىمدى پايدالانىلماۋ جاعدايلارى ورىن الدى. سۋدى ەسەپتەۋدىڭ اۆتوماتتتى جۇيەسى ەنگىزىلگەننەن كەيىن بۇل تيىمسىزدىكتەر تۇگەل جويىلادى. ءارى قاراي وسى جولمەن تۇركىستان وبلىسىنداعى باسقا دا كانالدار جۇمىسى اۆتوماتتاندىرىلادى.
